Ik hete IEKUS

Uut Wikipedia, de vrye encyklopedy
Nå navigaty springen Nå söken springen
Nuvola apps ksig.png Dit artikel is eskreaven in et twentske dialekt van Eanter.
De vuurkaante van Ik hete IEKUS

Ik hete IEKUS is 'n Tweants-Neerlaands book geskikt vuur jong en oold. Neet allenig um vuur te leazen mer ok vuur leu die kunniger wilt wörden met de Tweantse sproake.
Eskrewen duur Gerdien Luttje-Jansen (geboren in 1961 in Eanter, now wonachtig in Eanske) en ok de plaatjes bint van euren haand.
Oet egewen, net vuur de keenderbokenwekke 2011, duur TwentseWelle met de bedolige dat der later mear delen oawer IEKUS oetkomt.

Verhoalopzet[bewark | bronkode bewarken]

't Verhoal geet oawer 'n egenwies boskearlke, den at IEKUS heet en met zinne femilie in 't Groot Bruninkbos in Eanske woont.
Op nen kolen weenterdag koomp he tot zinnen groten skrik in 't bos nen helen groten hoond tiegen. Met dissen hoond, Boris, en zinnen baas, Riet, beleewt he allemoal spannende, mer vuural oonderwiezende beleawnisse.
Zo leart he klokke kieken, mag he met bosskoppen halen, geet he met noar skole en nog völle mear.

Heuwdpersoon[bewark | bronkode bewarken]

IEKUS is zo groot as n pak suker

De heuwdpersoon is 't kleane kearlke IEKUS, den't zo groot is as 'n pak suker. Hee hef ne kastanjeskelle op 't heuwd en skelkes van beukennötjes an de veute. IEKUS is der ene van de D'Lomoos.
'n Bosvölkske wat 't leefste kloompen dreg, behaalve as 't glad is boeten, waant dat is völs te gevöarlijk.

Biezeunderheden[bewark | bronkode bewarken]

  • t Book is op riem en dat is heel makkelik te leazen vuur keender die meuite hebt met leazen.
  • Eelk “riemke” besteet oet 2 of 4 riegels, better te oawerzeen dan ne volle bladziede.
  • t Book is tweitalig, waant biej IEKUS thoes proat ze plat.
  • De beaide teksten stoat nöast mekaar en loopt zowat aaltied gelieke op. Mangs is ummezetten van n stuk wat meuiliker en dan löp t wat oet.
  • t Book wil ok vertellen oawer da’j respekt mötten hebben vuur mekaar en vuur de natuur.

Oetgoande verbeending[bewark | bronkode bewarken]

  • Vuur kluurplaten en aandere interessaante dinge : 't Hoesblad van IEKUS: www.iekus.nl.