Hulshorst

Uut Wikipedia, de vrye encyklopedy
(döärstüürd vanaf "Hulshorsterzand")

Hulshorst is een darp in de gemeente Nunspeet, in de Nederlanse previnsie Gelderland. 't Darp had op 1 jannewaori 2006 1.988 inwoeners.

't Darp ligt in 't zujen van Nunspeet en in 't noorden van Harderwiek en Hierden an de Harderwiekerweg, vrogger stung de weg bekend onder de naam de Zujerzeestraotweg. 't Het een meul en een eigen voetbalvereniging (V.V. Hulshorst) en tennisvereniging.

Hulshorsterzand[bewark | bronkode bewarken]

Hulshorst steet ok bekend um de grote zandverstuving. Disse zandverstuving beheurt samen mit die van Kootwiek tot de grootste zandverstuving van heel Europa.

Stesjon Hulshorst[bewark | bronkode bewarken]

Hulshorst ligt an 't oudste stesjon van Nederland. Dit stesjon is niet meer in gebruuk en wort noen bewoend. 't Stesjon werd op 20 augustus 1863 eopend en is 't oudste stesjon van Nederland dat nog in zien oorspronkelijk staot is. 't Steet daorum ok op de Rieksmonementenlieste. In 1876 kreeg 't de uutstraoling die 't noen het, deurdat der een nieje verdieping op-ebouwd werd.

Op 31 mei 1987 het de NS 't stesjon veurgoed esleuten, ondanks een ouwe akte uut de beginjaoren van 't stesjon, die garandeerde dat 't, zolang as de spoorlien besteet, 't stesjon los mos blieven. Bie de anleg van de spoorlien naor Zwolle werd namelijk deur een landeigenaar, as veurweerde veur verkoop van grond, bepaold dat der ter plekke een halte mos kommen.

Gedicht[bewark | bronkode bewarken]

De dichter Gerrit Achterberg maakte der 't volgende gedicht over:

Hulshorst, als vergeten ijzer
is uw naam, binnen de dennen
en de bittere coniferen,
roest uw station;
waar de spoortrein naar het noorden
met een godverlaten knars
stilhoudt, niemand uitlaat
niemand inlaat, o minuten,
dat ik hoor het weinig waaien
als een oeroude legende
uit uw bossen: barse bende
rovers, rans en ruw
uit het witte veluwhart.