Huzen

	Gemaente Huzen
(Vlagge van Huzen)	(Waopen van Huzen)
	; Lokatie van de gemeante Huzen
	Informasie
Proveensie	Noord-Holland
Heufdplaatse	Huzen
	Geografie en bevolking
Öppervlakte; - Laand; - Water	23,33 km²; 22,98 km²; 0,35 km²
Inwonners; Bevolkingsdichtheid	41.925 (1 februari 2008); 1830 inw./km²
Koordinaten	52° 18′ N, 5° 14′ O
	Aoverig
Belangrieke verkeersaoders	A1, A27
Netnummer	035
Postkode	1270-1277
	Offisiële webstie www.huizen.nl

Huzen is n darp en gemeente in de Nederlandse previnsie Noord-Hollaand in de streake et Gooi en hef ne oppervlakte van 23,33 km² (woarvan 0,35 km² water). De plaatse hef ne verholdingsgewies jongen bevolking.

Geskiednis

Et darp Huzen is bekand as veurmoalig vissersdarp, howal pas an et ende van de 17e eeuwe de visseri-je éne van de veurnoamste middelen van et bestoan wierd. Doorveur waren veural laandbouw en huusni-jverheid ne belangrieke leavensbronne. Howal et gemeentewoapen van Huzen, een melkdearntjen, verwis noar veeteelt, was doar gene sproake van veeteelt van belang. De arme zaandgronden van Et Gooi hadden völle bemesting neudig en veural de uutwarpselen van et vee, beestn en schoapen, wierden as mest ebroekt. Doar was gemeenschoppelek gebruuk van heiden en weiden, de zogeneumde meent-groanden. Huzen kreg in de 14de eeuwe heuren name, umdat -noar verluudt- zi-j et eerste darp was in et Gooi dat steenhuzen had. Het ovverweagend prottestantse Huzen is noe de snelst greujende gemeente van et Gooi, met ok de snelst greujende bedrievigheid.

Kleaderdracht

Huzen had nen zeer aparten kleaderdracht met ne grote witte kappe, 'isábee' geneumd. Vanof rundumme 1930 is et dragen van de Huzer klaederdracht stark af-enommen, om te beginnen bi-j de jongeleu. Tot in de joaren '90 van de twintigste eeuwe wierd doar nog deur de alleroldste vrouwleu kleaderdracht droagen. In 2003 waren der nog moar 5 vrouwleu ovver (in et zorgcentrum) in klederdracht, woarvan de jongste 88 joar was en de oldste 101. Dizzen vrouwleu drogen alleneg wal de 'rouwversie' van den kleaderdracht. Den manleken klederdrachte was al rundum 1930 uutestorven. Den letsten Huzer kearl den in klederdracht leep was Driekus Westland. Anno 2007 leep nog éne vrouwe in Huzer kleaderdracht. Zi-j mag met recht de 'letste der Mohikanen' wodden eneumd.

Dialekt

Huzen hef een dialekt met Nedersaksische kenmarken, howal dit neet veul meer esprokken wöd. Et wöd nog wal deur olderen esprokken en mangs bi-j toneelstukken van de Huzense toneelvereneging Ontwaakt.