Homo naledi

Uut Wikipedia, de vrye encyklopedy

Homo naledi is ne archaïsche meansensoort die evunden is in de Cradle of Humankind in de Rising Star Cave in Zuud-Afrika. De resten bint 236.000 töt 335.000 jaor old en komt uut het Midden-Pleistoceen (Chibanian). As eerstens bint er 15 verschillende skeletten evunnen, die uut 1550 verschillende exemplaren bestaot. De ördening met andere resten van het geslacht Homo is niet met wissigheid te benuumen.

Samen met andere Homo-soorten die tegelieke leafden had Homo naledi kenmärken van de veurolder Australopithecus en vrogge Homo soorten. Et belangriekste kenmärk hiervan is de kleine schedel (465-610 cc) in vergelieking met de moderne means (1270-1330 cc). Berekkend is dät Homo naledi in deursnee ne lengte van 143,6 cm had met een gewicht van 39,7 kg. De härsens waren vri'j klein in vergelieking met de grootte van zien lief. Toch blik de vörm van de härsens vergeliekbaor te wean met Homo soorten die tegeliekertied leafden. Dit zol dan kunnen wiezen op geliekweerdige wärken van de härsens. Dät disse Homo soort zo lange hef kunnen leaven tussen een bulte andere Homo soorten met grotere härsens hef de menink dät een groter stel härsens neudig was veur evolutionair veurdiel onderste baoven egooit. De vörm van de härsens hebt de kennis van de verschillen in het geslacht Homo slim groter emääkt.

Galleri'je[bewark | bronkode bewarken]

Verwiezings[bewark | bronkode bewarken]


Dit artikel is eskreaven in et sallandsk.