Herman Korteling

Herman Daniël Korteling (Dèventer, 13 september 1898 - ok daor, 30 september 1994) was een schriever in 't Sallaands en Nederlaands uut de Nederlaandse pervincie Aoveriessel.

Korteling was der iene van de olde Dèventer femilies Korteling en Reuvekamp. In een gezin mit zeuven kiender was e 't nestdöddeken; zien olders hadden een schilderszake. Hij kwaamp te warken as decoratieschilder en restaurateur, later as conservator van museum De Waag. In zien vrijetied much e geern schrieven, bename inspireerd deur Arthur van Schendel en Aar van der Werfhorst. Ok was e slim drok in 't culturele levend van Dèventer en Aoveriessel. Mit de vrouwe Rie had e een zeune.

Korteling schreef in een neo-romantische stiel Nederlaandstalige novelles en romans, waorbij e hum leut inspireren deur de rieke geschiedenis van zien stad. Zien wark in 't Sallaands bestiet miest uut körte verhalen mit een rake sfeertiekening. Dit wark koj vienden in tiedschriften as De Moespot en 't Swieniegeltje, in verzamelbundels en in Overijssel, Jaarboek voor Cultuur en Historie. Van dit in 1947 opezette jaorboek was e mit-oprichter en, mit G.J. Lugard Jr. en Willem Hendrik Dingeldein, redacteur. Ok was e veurzitter van de in 1956 operichte Sallandse Schrieverskring. Van zien Nederlaandse novelle De Grootburgers maakte e veur 't Swieniegeltje een Sallaandse aoverzetting (1959).

Warken

De Grootburgers (1937)
Het Christophorus beeld (1947)
Ghelmer: een middeleeuws verhaal van strijd en liefde (1969)
Deventer bij gaslicht (1974)
Italiaanse reis in 1927 (1987)

Bronnen

WIE IS WIE in Overijssel aover Herman Korteling
Jannie Bakker-Rietman en Frank Löwik (2008), 'Streektaalliteraturen in Overijssel', in Henk Bloemhoff, Jurjen van der Kooi, Hermann Niebaum en Siemon Reker (red.), Handboek Nedersaksische Taal- en Letterkunde, Assen: Van Gorcum
Entjes, Hendrik (1990), 'Streektaalliteratuur in Overijssel na 1945', in Jurjen van der Kooi (red.), Dialectliteratuur. Balans en perspectief van de moderne streektaalletterkunde in Oostnederland en Nederduitsland, Stad: Sasland

Dit stok is eschreven in 't Zuudwest-Drèents.