Henk Bloemhoff

Henk Bloemhoff (Nijeberkoop, 1948) is een taelkundige die specialiseerd is in de (mor)fonelogie van et Stellingwarfs. Hi'j is veural bekend as streektaelfunktionaoris van et Stellingwarfs bi'j de Stellingwarver Schrieversronte en deurdat hi'j in saemenwarking mit aanderen (waoronder Sietske Bloemhoff) et Stellingwarfs Woordeboek maekt het.

Veerder het Bloemhoff nog een protte aandere taelkundige en dialektologische publikaosies op zien naeme staon, waoronder Taal in stad en land - Stellingwerfs (Sdu Uitgevers, 2002) en Taal in stad en land - Drents (mit de Drentse literetuurhistorikus Henk Nijkeuter, Sdu Uitgevers, 2004). Hi'j is ien van de redakteuren van et Handboek Nedersaksische Taal- en Letterkunde (Van Gorcum, 2008) en Nedersaksisch in een Notendop (Van Gorcum, 2019).