Hearts of Iron IV

Uut Wikipedia, de vrye encyklopedy
Nå navigaty springen Nå söken springen

Hearts of Iron IV (HOI4/HOI IV) is een computerspöl det emaakt is deur Paradox Development Studio. Et spöl wördt uutegeaven deur Paradox Interactive en kwamp op 6 juni 2016 uut. Et is een strategiespöl. Hearts of Iron IV is et veerde spöl in de riege van Hearts of Iron. Et is et vervolg op Hearts of Iron III.

Gameplay[bewark | bronkode bewarken]

In et spöl ku-j kiezen of ie in 1936 of in 1939 begint kört veur de Twiede Wereldoorlog. De ontwikkelings in et spöl gaot töt 1948, maar ie kunt wieder as dit jaor spöllen. Er bint allenig gien ni'je technieken meer vri'j te spöllen. Et spöl giet veural oaver militaire, politieke en economische (deur et mäken van verschillende febrieken en waopens) dingen. Via National Focusses bint er (hiele) belangrieke dingen te doen of te veraanderen in een laand det zo'n National Focus doet en ofmaakt.

Op Steam bint er in de workshop alderbärstends völle mods en anpassings an et spöl te vinden die deur spöllers van et spöl emaakt bint. Deur disse dingen te gebruken kan et spöl slim uut ebreid wördden

DLC[bewark | bronkode bewarken]

Veur et spöl bint er verschillende DLC's te kriegen. Hieronder staot een lieste van alle uutbreidings met daorbi'j een körte uutleg oaver de toe evoegde ni'je dingen (niet alles benuumd):

  • Together for Victory (15 december 2016) - Uutbreiding waordeur er vazalstaoten kunt kommen die autonomie kunt kriegen of juust verliezen. Daornaost meer keuzes veur vazalstaoten in et Britse Riek.
  • Death or Dishonor (14 juni 2017) - Meer keuzes veur laanden op de Balkan en in Centraol-Europa.
  • Waking the Tiger (8 meert 2018) - Meer keuzes veur de Twiede Chinees-Japanse Oorlog. Ok meer keuzes veur Duutslaand en Japan. Anpassings an et leager.
  • Man the Guns (28 februari 2019) - Meer keuzes veur de marine. Öllie is now een ni'j onderdiel in et spöl. Meer keuzes veur Nederlaand, Mexico, et Verienigd Keuninkriek en Amerika.
  • La Résistance (25 februari 2020) - Spionage is now een onderdiel van et spöl. Et verzet en bezetting hebt grote anpassings ekreagen. Wieder ni'je keuzes veur Frankriek, Portugal en de Twiede Spaanse Reppebliek en de Spaanse Staot (Spaanse Börgeroorlog).
  • Battle for the Bosporus (15 oktober 2020) - Ni'je keuzes veur kleine Balkan laanden zo as Griekenlaand, Turkije en Bulgarije. Daornaost veur Joegoeslavië en Roemenië veur Death or Dishonor anpassings.

Verwiezing[bewark | bronkode bewarken]

Nuvola apps ksig.png Dit artikel is eskreaven in et sallandsk.