Harrebarg

Uut Wikipedia, de vrye encyklopedy
Een schilderie van luui bie een harrebarg

Een harrebarg is een bedrief waor je tegen betaling kunnen eten, drinken en slapen. De slapenplekken van vandage de dag wonnen meestentieds gien harrebarg, mar een hotel of een pesjon eneumd. 't Woord harrebarg duut meestentieds op de eenvoudige hotels uut vroggere tiejen. 't Woord harrebarg kump van her (= heer, leger) en barg (= bargplaose).

Harrebargen wanen vake ebouwd op plaosen waor veule reizigers langeskwammen. Ze hannen meestentieds stallen veur de peerden van ruters en koetsen. Vake kon hier oek van peerden ewisseld wonnen. De wachtied wönnen deur de reizigers gebruuk um wat te eten en te drinken. Een stalle waor ze mit koetse en al naor binnen konnen wönnen een deurrit eneumd.

Harrebargen bestungen uut een kamer waor egeten en veural edrönken wönnen. Daornaos was der een ruumte waor esleupen kon wonnen. Meestentieds gien amparte kamers mar een gemeenschappelijke ruumte. To de meensen 't beter kregen, wönnen der wel amparte kamers in-erich, wat uuteindelijk veur veurzieningen ezörg hef dee der speciaal veur ebouwd wanen, namelijk de hotels.

Disse pagina is eschreven in 't Nunspeets