Fiedeldans

Uut Wikipedia, de vrye encyklopedy

Fiedeldans is een zeldzame neurelogische ziekte dat ook wel Chorea van Sydenham eneumd wördt. 't Kump veural bie kienders veur en wördt in verbaand ebröngen mit acute reuma nao streptokokkeninfecties van 't serotype Lancefield groep A en kenmarkt zich deur schokkerige bewegingen van 't gezichte of arms en benen. De symptomen hollen meesttieds een paor maonden an en verdwienen dan.

De ziekte is verneumd naor de vierde eeuwse Siciliaanse Sonde-Vitus. Binnen de kattelieke tredisie wördt Vitus ezien as één van de veertien heilige helpers, heiligen dee an-eroepen wier um bepaolde ziektes te genezen. In 't geval van Vitus, veural bie zenuwandoeningen. Vitus is daornaos de bescharmheilige van dansers, zangers en mensen mit epelepsie.

De term fiedeldans wördt ook wel gebruukt veur sonde-jansziekte.

Nedersaksisch[bewark | bronkode bewarken]

Disse pagina is eschreven in 't Elburgs