Elburgs

't Elburgs is een Nedersaksisch dialek dat esproken wördt in de stad Elburg van de gelieknamige gemeente. 't Dialek lig op de overgangsgrens tussen 't West- en Oost-Veluws, mar wördt tot 't Oost-Veluws erekend. Dit kump onder aandere deurdat 't an de old-kaante lig van de oud/old-isoglosse.

In Doospiek, een dorp binnen de gemeente Elburg wördt der Doospieks esproken, dit lig tussen 't Elburgs, Nunspeets en 't Urkers in. 't Elburgs is samen mit 't Nunspeets en 't Doospieks een ampart groepjen binnen de Veluwse dialekken, der bin een antal olde klanken in beweerd ebleven zoas de /ee/ dee tussen de [ee] en [ie] in lig, de /oo/ dee tussen de [oo] en [oe] in lig en de /uu/ dee tussen de [uu] en [u] in lig. Der is ook een oldheidkundige verenige, Arent Thoe Boecop, dee zich bezigholt mit 't Elburgs en de Elburgse cultuur, disse verenige hef ook een boek uut-ebröngen onder de naam Elburgs Woordenboek.