Ebionieten

De Ebionieten waren leden van een jeudskristlike streuming in et vrogge kristendom en deur de karkva's zo aneduud. Zi-j woonden op Transjordanië. De Ebionieten gebruukten een eagen evangelie bekend as et Evangelie van de Ebionieten, wukke een anepaste Evangelie van Matteus ewest zollen wèèn.

De benaming kump dunkt oons van et Hebreewse woord veur armen, Ebjonim. Disse Ebionieten waren tegelieke jeuds en kristlik, umdat zi-j de jeudse lere niet verwörpen. Zi-j geleuvden dat Jezus de natuurlike zeune van SpiekerJozef en Marie was,. Mar noa de deup deur Johannes de Deuper, was he deur God ‘uutekeuzen’ as de meest rechtschoapen meanse op eerde. Woarumme as Jezus, volgens eer, de aldereersten meanse was die Gods Tora helemoale geheurzaamd hef. En deur zien geheurzaamheid an de Tora wördden he rechtvoardigd, en doarumme de Kristus enuumd.

Nöast de Hebreewse geschriften liekt zi-j een eagen (Hebreewse of Arameese) varsie van et Evangelie volgens Matteüs, of een bewarkte varsie dervan (beveurbeeld gien geboorteverhaal van de maagd'like geboorte), te hebben ehad. Van dit Evangelie bint allinnig mar een gammel fragmenten bewoard eblevven die deur de karkva's as ketteri-jen neereschrevven wördden.

Ebionieten mossen niks weten van Paulus, volgens eer was Paulus een ofvallige jeude die de Tora verwarpen.

Dit artikel is eskreaven in et sallandsk.