Dub
Dub (körtn naam vuur Dubreggae) is ne muziekstiel den't is ontstoan oet ska en reggae. Vake wörd t ezeen as ne oonderstiel van reggae, umdet t bestoande reggaenommers gebrok en dee umme vörmt töt nieje nommers. Meesttieds wörd n zaank vort ehaald en de drums en basliene benoadrukt. Hierop komt dan vlagen van n tekst/zaank, of delen van t originele nommer vuurbie met verskillende effekten der achter, zo as nen onmeundigen echo of terugslag. Ook wordt der mangs elektroniese geluden biej edoan. De noadruk keump hierduur slim op de ritmiek te liggen. t Geheel krig zo n hiepnotiserend karakter.
Dub hef völle invlood ehad op aandere muziekstielen, zo as hip hop, disko, housemuziek, densmuziek, en t is n begeensel ewörden vuur jungle, drum en bass en dubstep.
Rechtevoort wörd n naam dub ook wal vuur t verdreeien en hergebroeken van aandere muziekstielen gebroekt.
Bekeande ärtieste
[bewark | bronkode bewarken]Eankele bekeande ärtieste dee't dub hebt helpen oontwikkelen of dee't der völle met deden zeent Osbourne Ruddock (King Tubby), Augustus Pablo en Lee Perry.
Oetgoande verbeending
[bewark | bronkode bewarken]- King Tubby - Dub I can feel (ne Dub-versie van John Holt's nommer Love I can feel)