Dopheed

Dopheed (Erica) is een plaantegeslach uut de heedfemilie. De meeste soorten bin dwargheesters van 20 tot 80 centimeter hoge. De grootste bin de boomheed (Erica arborea) en de bezemdopheed (Erica scoparia), dee 6 tot 7 meter hoge kunnen wonnen. Alle lejen van 't geslach hem kleine altiedgreune, naoldachtige blaojen van 2 tot 15 millimeter lange. De wienterharde soorten bin in Nederlaand en Vlaanderen, geliefde tuunplaanten.

Van de meer as 750 soorten koemen der ruum 600 in 't vienbos in de Kaapstreek van Zuud-Afrika veur. De overige soorten bin inheems in de res van Afrika, 't Middellaanse Zeegebied en Europa.

De naam erica is of-eleid van 't Griekse ereike, wat heedveld betekent. Dopheed is zo eneumd umdat de vruchen op noetedoppen lieken.

Soorten

In Nederlaand en België koemen de volgende soorten veur:

Bezemdopheed (Erica scoparia)
Gewone dopheed (Erica tetralix)
Rooie dopheed (Erica cinerea)

Een paor aandere soorten bin:

Boomheed (Erica arborea)
Erica lusitanica
Reuzeveurjaorsheed (Erica erigena)
Sneeheed (Erica carnea)

Nedersaksisch

Drèents: döphei
Veluws: dopheed