Derk med den beyr

Uut Wikipedie, de vrye encyklopedy
Naar navigatie springen Naar zoeken springen

Derk med den bear is een mytologisk vertellegyn uut twentske en achterhookske sages.

Karst[bewark | bronkode bewarken]

Et verhaal oaver Derk med den bear wördt altyd tydens de karsttyd an de kinder vöäredragen.

Derk met den bear, den up karståvend oaveral rundwaart, hevt syn untstån te danken an: een buur, lange eleaden, wårvan al et vey ofstürven, wördden dårvan so hellig, dat hee et geweyr van de wand greapen en dårmed når buten stormden, wår hee et geweyr in de lücht löägsköät, recht up den heamel an, ümme unsen Leven Heyr te raken. U.L.H. wördden up syn böärte dår wear hellig van en veranderden de buur in Derk med den bear. Nu müt hee töt de lätsten dag rundswarven med syn börstelige eaver.

Volgens et olde verhaal kümt Derk med den bear tydens karståvend döär de lücht jagen en den nemt alles med wat neet vaste sit. Düs y müt uwen arv up-erüümd hebben up karståvend, want Derk nemt alles med wat lös ligt. Et hekke van de weiden müt y lös låten stån sodat Derk sunder martelen de rüümte hevt en y müt ouk noch witte streapen up de böume doon sodat hee der neet teagen an vlügt. Y wilt hüm neet hellig hebben, den bear!

God Fro[bewark | bronkode bewarken]

Wee as Derk precys is weat geyneyne neet, mar der wördt beweyrd dat de van de germaanske god Fro ofstamd. Den jagen up een eaverswyn med golden börstels döär de lücht hen. Toon et volk christelik wördden, wördden Fro vöär ear een kwåde demon. De lüde hebbet der so een groute angst vöär hüm ekreagen. See dürvden sülvs syn name neet uut te spreaken, uut vrease hüm te ropen. Vandår dat see hüm Derk nöömden. Derk redt up een grout wild varken, ofwal een bear.

Nuvola apps ksig.png Dit artikel is eskreaven in et sallandsk.