Standaard Skriefwieze
(döärstüürd vanaf "Standaard Schriefwieze")
De Standaard Skriefwieze is ne skriefwieze vuur t Tweants, en oet edacht duur Goaitsen van der Vliet oet Eanske.
Dizze skriefwieze is baseerd op de eerste (1982) skriefwieze van de Kreenk vuur Tweantse Sproake (KTS), en is doarmet luk fonologieser as de latere (1997 en 2009) skriefwiezn van de KTS. Hierduur is dr völle ruumte um plaatselike verskiln good wier te geewn.
Zo wörd bievuurbeeld in de KTS-skriefwieze van noe de oetgänge van woarkwöarde as in t Standaard Neerlaands eskreewn: dus werken wörd wearken (of ieder aandere variaant van t Tweantse woord) en lopen blif lopen. In de Standaard Skriefwieze is t wearkn en loopn.
Saamntrekkiges wordt met nen hoogn komma wier-egeewn: kö'w (köant wie) en goa'j (goa iej).[1]