D'où venons-nous, Que sommes-nous? Où allons-nous?

Uut Wikipedia, de vrye encyklopedy
Naar navigatie springen Naar zoeken springen

D'où venons-nous, Que sommes-nous? Où allons-nous? (neadersassisk: Wår kummet wy vord? Wee bint wy? Wår gåt wy up an?) Is een skilderye van de künstskilder Paul Gauguin.

Hy hevt et emaked up Tahiti. Gauguin was 'evlüched' van de westerske beskaving, hy vünden et mar een neppe sooi. Up Tahiti dachtden hee oorsprüngelike, 'primitive' mensken te vinden. Hy söchten når et religiöse leaven van de mensken dår, de seksuele vryigheid, een kulture dee neet döär et 'beskaavde westen' was kapot emaked. Dår an-ekummen kwamt hee te kyken, dat de mensken dår ouk al meyrendeyls christelik waren en in vranske klearen rundlöypen. Toch löät hee in syn skilderyen vöäle van de bygelöyven en (de döär hüm sülv efantaseyrde) seksuele vryigheid seen. Ümme disse warken is hee dan ouk bekend ewörden, hevt hee by edragen an de untwikkeling van de moderne künst.

Vöär dat hee sülvmoord döäd -wat hüm neet best lükten-, had hee dit skilderye emaked, syne 'Magnum Opus'. Et is 139 centimeater by 375 centimeater. Dårnå hevt hy noch enkele skilderyen emaked, wårnå hee uut de tyd kummen döär een geslächtseekte. Up dit skilderye had hee alles up willen te setten, alles wat hy van et leaven en de künst dachtden.

Et hangt nu up et Museum of Fine Arts op Boston, Amerika.

Nuvola apps ksig.png Dit artikel is eskreaven in et sallandsk.