Country

Uut Wikipedia, de vrye encyklopedy

Country, ouk bekend as country en western en hillbillymusik, is nen musikstyl den as oarsprunglik uut de südelike Ståten van de VS kümt. Et is untstån in de jåren 20 van de 20. eywe.[1] Et hevt syn oarsprung in amerikaanske volksmusik en dan med name de appalachisken folk, westernmusik en blues.

Countrymusik besteyt vake uut ballades en dansmusik med meyst simpele förme, volkske underwarpen en harmonyen. Belangrykste instrumenten sint de banjo, elektriske en akoestiske gitaren, stål- en dobro-gitaren en violen en mundörgels.[2] In de heyle geskydenisse van den styl blikt dat de blues-tounsoorten vake vöärkoamet.[3]

Volgens Lindsey Starnes wör de term country vöärdan populäärder vanaf 1940, meyr dan de term hillbilly-musik. et ümslöät ouk westernmusik, dat ungeveyr up deselvde tyd en wyse as hillbilly-musik untstünd. In 2009 was in de VS country-musik de meystelüsterde musik tydens spitsüren in den auto.[4]

De term countrymusik wördt rechtevoord bruked üm vöäle verskillende understylen en genres te samen te vatten. Den oarsprung van country ligt in volksmusik van amerikaanske arbeidersklassen. Et is ne samenvloiing van populäre leedkes, yrske en keltiske vioolrydelkes, traditionäle engelske ballades, cowboy-songs en de musikale traditys van verskillende europääske immigranten.

Wearldwyd bekende artisten sint under meyr Johnny Cash, Willie Nelson, Dolly Parton en meyr recent Taylor Swift.

Neaderland[bewark | bronkode bewarken]

Countrymusik is in Neaderland nit byster wyd verbreid. Ilse de Lange is eyne van de bekendste neaderlandske artiste dee as der wat med düt. Med Waylon deade se ünder de naam The Common Linnets vöär Neaderland med an et Eurovisy Songfestival van 2014. Med öär nummer Calm Before the Storm 'haalden se ne tweyde steade.[5]

Neadersassisk[bewark | bronkode bewarken]

Bekende neadersassiske grupen en artisten dee as kenmarken van countrymusik gebruket sint of warren Normaal, Skik en Daniël Lohues.

  1. Richard A. Peterson. "Creating Country Music: Fabricating Authenticity".|University of Chicago Press (1999). ISBN 978-0-226-66285-5. Bls. 9.
  2. dictionary.com. "Country music – Definition". Bekeaken up 30 oktober 2011.
  3. Richard J. Ripani. "The New Blue Music: Changes in Rhythm & Blues, 1950–1999". 1 augustus 2006. Wm. B. Eerdmans Publishing. ISBN 978-1-57806-861-6. Bls. 22.
  4. ARRP Bulletin. Vol. 53 No 1. "50 Minutes on the Road. Betsy Tower. page 50. citing Commuting in America III and Arbitron.
  5. Qmusic.nl. "The Common Linnets eindigt tweede in finale songfestival". Skreaven up 10 mei 2014. Bekeaken up 25 november 2019.