Taylor Swift

Uut Wikipedia, de vrye encyklopedy
Nå navigaty springen Nå söken springen
Taylor Alison Swift
Taylor Swift
Taylor Swift
Algemene informasie
Geboren 13 december 1989
Laand Vereynigde Ståten
Spraoke Engelsk
Genre Country, Rock, Popmusik


Taylor Alison Swift (13 december 1989) is ne amerikaanske sängeresse en leedkesskryvster. Öäre nummers gåt meysttyds oaver öär eygene leaven, wat öär vöäle mediaandacht upleyverden. Med 14 jår verhüüsden see van öäre geboartesteade Reading in den ståt Pennsylvanies når Nashville in Tennessee üm name te maken in de countrymusik. See kreag al rap een platenkontrakt med Big Machine Records en was dårmed de jungste artiste under Sony/ATV Music publishing house. Öär eyrste album Taylor Swift was de längstnoteerde in de jåren 2000 in Amerika, med as höygste steade vyvde in de lyste. Et nummer Our Song makeden öär de jungste ooit dee et presteerden üm selv een nummer te skryven en uutvoren en dårmed in de hitlyste Hot Country Songs te koamen. Swifts tweyde album, Fearless, küm uut in 2008. Med de hitnummers Love Story en You Belong With Me was Fearless et bestverkochte album van 2009 in de VS. Et album kreag veer Grammy Awards. Swift wör dårmed de jungste Album van et Jår-winner.

Swift skreav selv öär nye album Speak Now, wat in 2010 up de höygste steade binnenküm in de VS. Et nummer Mean kreag twey Grammy Awards. Öär veerde album, Red, köm uut in 2012. Öär vyvde album, 1989, wat in 2014 uutküm, leyverden öär drey Grammys up. Dårmed wör Taylor Swift de eerste vrouwe en vyvde artist ooit dee twey mål de prys Album van et Jår wün. De nummers Shake It Off, Blank Space en Bad Blood wörden nummer-eynhits in de VS, Australie en Kanada. Med de eyrste tweye wör Swift de eyrste vrouwe in de Billboard Hot 100 dee sikselv oaversteyg. Öär sesde album, Reputation (2017), en et höyvdnummer Look What You Made Me Do stünd boavenan in de VS en et VK. Med de uutgave van Reputation wör Swift de eyrste artist wårvan veer albums binnen ne weake een miljoon mål wör verkocht. Twey nummers van Lover, öär söävende album uut 2019, haalden nummer twey in de hitlysten: Me! en You Need to Calm Down.

Döärdat se meyr as 50 miljoon albums en 150 miljoon nummers verkocht hevt is Swift eyne van de best-verkoupende musikmakers van alle tyden. Prysen dee se wünnen hevt sint under meyr 10 Grammy Awards, eyn Emmy, 24 American Music Awards, 23 Billboard Music Awards, ses Guinness-wearldrekords.

Swift hevt estån in Time as eyne van de 100 meyst invloodryke lüde van de wearld (2010, 2015, 2019). Ouk stünd se boavenan in de Forbes Celebrity 100 (2016 en 2019).

Musikstyl[bewark | bronkode bewarken]

Swift syne Les Paul-gitaar en drådlousen mikrofoon uutestald in de Artist Gallery van et Instrumentenmuseum in Phoenix, Arizona

In Swift syne musik sit kenmarken van pop, synth-pop, country, country pop, en rockmusik. Selv nöömden se sik countrysangeresse tötdat in 2014 öär album 1989 uutküm. Dat beskreav se selv as een "sonisk samenhangend popalbum."[1]

  1. (archiveerd) The Tennessean. Cooper, Peter. "Taylor Swift reaches a turning point with '1989'". Skreaven up 26 october 2014.