Butenalster

Oet Wikipedie, de vraaie enzyklopedie
Gao naor: navigasie, zeuk
De Butenalster

De Butenalster (Hoogduuts: Außenalster) is iene van een twi'jtal deur de mèens emeuken meerties in 't centrum van de Duutse stad en dielstaot Hambörg. De Butenalster, die as een omvang hef van 1,6 vierkaante kilometer, heurt mit de kleinere Binnenalster bi'j de revier de Alster. De Lombardsbrücke en de Kennedybrücke, veur auto- en treinverkeer, scheidt de Buten- en Binnenalster van menare.

't Buten in de name wis op de olde stadsmuren van Hambörg: de Butenalster was det diel van 't meer det as buten de mure lag. Vandage bint d'r de stadsmuren niet meer.

De ienwoners van Hambörg gebruukt 't meer veur tiedverdrief as zeilen en ruuien. Haoste alle de oevers bint pebliek toegaankelijk. Ze varieert van grune lienden töt grote parken, zoas 't Alsterveurlaand (Alstervorland). Mèensen bint d'r drok op umme rondum 't meer henne te joggen (zo'n zeuben kilometer).

Nuvola apps ksig.png Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.