Binnenalster

De Binnenalster is iene van een twi'jtal deur de mèens emeuken meerties in 't centrum van de Duutse stad en dielstaot Hambörg. Mit de grotere Butenalster heurt de Binnenalster bi'j de revier de Alster. De Lombardsbrücke en de Kennedybrücke, veur auto- en treinverkeer, scheidt de Binnen- en Butenalster van menare.

't Meertien hebt ze oorspronkelijk emeuken as waterreservoir veur een meule. 't Binnen in de name wis op de olde stadsmuren van Hambörg: de Binnenalster was det diel van 't meer det as binnen de mure lag. Vandage bint d'r de stadsmuren niet meer.

An de Binnenalster lig 't bekende restaurant 't Alsterpavillion. Rondumme 't water holdt ze elk eerste weekende van september 't straotfestival Alstervergnügen.

Commons: Binnenalster - plaatjes, filmkes en/of gelüüdsbestanden.

Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.