Bunnik

	Gemaente Bunnik
(Vlagge van Bunnik)	(Waopen van Bunnik)
	; Lokatie van de gemeante Bunnik
	Informasie
Proveensie	Utrecht
Heufdplaatse	Bunnik
	Geografie en bevolking
Öppervlakte; - Laand; - Water	37,57 km²; 36,95 km²; 0,62 km²
Inwonners; Bevolkingsdichtheid	14.243 (1 februari 2008); 385 inw./km²
Koordinaten	52° 4′ N, 5° 12′ O
	Aoverig
Belangrieke verkeersaoders	A12, N229
Netnummer	030
Postkode	3980-3981, 3984-3985
	Offisiële webstie www.bunnik.nl

Bunnik is n darp en gemeente in de Nederlandse previnsie Utrecht en hef een oppervlaakte van 37,62 km² (woarvan 0,52 km² water).

Geskiednis

De geskiednis van de gemeente geet rundumme 2000 joar terugge. De Romeinen bouwden kort noa et begin van onze joartelling bi-j Fectio (Vechten) nen belangriek castellum met nen haavn an den toonmalige löp van den Rien, eure grensrevier. Destieds was den Lek minder belangriek. Et meeste water streumden vanof Wiek bi-j Duurstede noar et noorden, deur Bunnik van Utrecht noar Katwiek an den Rien. (Zee Krommen Rijn, Leidsen Rien, Olde Rijn.)

Bi-j et castellum ontwikkelden zich ne handelsplaatse. Dizzen blef bestoan, ok toon et castellum in de veerde eeuwe veur altied deur de Romeinen wierd verloaten. Et gebeed wodden toon achterenvolgens bezet deur de Freezen en de Franken. In 632 schonk den Frankiesen hofmeier Pippijn I van Landen under aandere de rest van Fectio an den biskop van et Eertsbisdom Utrecht. Under karkeleke leiding wodden et gebeed tussen de 8de en de 14de eeuwe geheel ontgonnen. Belangriek veur de ofgraovingen was den dam den in of kort noa 1122 te Wiek bi-j Duurstede in den Rien wodden elegd, zodat den Lek den deurgoanden voarweg wodden. Vanof dee tied is den waterstaand in den Krommen Rien te raegelen, moar is der vri-jwal gin skeepvoart meer. In de 8ste en 9de eeuwe ontwikkelden zich de 3 karkdarpen Bunninchem (Bunnik), Iodichem (Odiek) en Wercundia (Warkhoven). In de 12de en 13de eeuwe wödden der kleine darpskarkskes ebouwd.

Uut de karkeleke indaeling ontwikkelden zich an et ende van de Middeleeuwn n antal gerechten (bestuurleke organisasies), dee in de Fraanse tied wödden vervangen deur gemeenten. Van 1817 tot 1856 waren der 4 gemeenten op et groandgebeed van den gemeente Bunnik van noe, dee ieder n kwarteer laeverden van et gemeentewoapen: de rode hane van Bunnik; St. Nicolaas uut Odiek; et Witte Peerd van Warkhoven; en den Fraansen lillie (uut et Van Renesse-woapen) van Rhijnauwen. De gemeente Bunnik van vandage besteet vanof 1964.

In augustus 1974 beslot den gemeenteroad tot et vaststellen van ne gemeentevlagge. Dree golvende banen van greun, wit en greun stelt den Krommen Rien veur, streumend deur de greune velden.