Bontebok (Frieslaand)

Oet Wikipedie, de vraaie enzyklopedie
Gao naor: navigasie, zeuk
Bontebok

Bontebok is een dörp in de gemiente Et Vene, in de Nederlaanse perveensie Frieslaand. Et dörp het omdebi'j 440 inwoners.

Bontebok is ontstaon rond een sluus die in de Schoterlaanse Kompejonsvaort legd wodde. Disse vaort was de toegaangsweg tot dit gebied en wodde o.a. bruukt veur de ofvoer van de turf uut de turfontwinningsgebieden. De schippers mossen vaeke lange waachten, waordeur d'r al gauw een dörpkoeme mit kefé's, winkelties en bewoning rondomtoe de sluus ontston.

Op et heugtepunt weren d'r zels vuuf kefé's in de buurtschop. An ien van disse vuuf kefé's daankt Bontebok lichtkaans heur naeme. Dit kefé wodt al in 1683 nuumd en had de naeme "De Bonte Bok". Et had een uuthangbod mit de onderstaonde spreuk: "Een bok is een bok, een bok ben ik geheten." "Menigeen is een bok maar wil het niet weten" Et grondgebied van Bontebok beheurde veurhenne grotendiels tot Ni'jehoorn en diels tot De Kniepe, mar et kreeg nao hiel wat stried mit de raod van de gemiente Et Vene vanof 1 jannewaori 1980 de staotus dörp.

Sund 1923 is d'r een eupenbaore legere schoele “De Bontebok”. Van 1898 tot 1966 was d'r de zuvelfebriek De Gemeenschap. De febriek is laestdaegs sloopt.