De Kniepe
De Kniepe (Nederlaans: De Knijpe, Fries: De Knipe) is een dörp in de gemiente Et Vene in de Nederlaanse perveensie Frieslaand, in et oosten van et plak Et Vene. Hoewel de gemiente Et Vene veur alle aandere officiële plakken de Nederlaanse plaknaemen bruukt, is veur De Kniepe de Friese naeme de officiële.
Deur et dörp lopt de Schoterlaanse Kompejonsvaort. Hierin lag een kniepe, een versmalling in de vaort, en daoran daankt et dörp De Kniepe zien naeme. De Kniepe was tot 1970 opsplitst in Bovenkniepe en Benedenkniepe en wodde doe vaeke kotweg De Kniepe nuumd. Doe in 1970 de twie dörpen saemenvoegd wodden, kreeg et dörp de naeme De Knipe.
Anne Zernike was in 1911 de eerste vrouwelike doomnie van Nederlaand. Zi'j begon as deupsgezind predikaante in Bovenkniepe. Jan Mankes het ok een hottien in De Kniepe woond. Hi'j was trouwd mit Anna Zernike.
In De Kniepe staot de eupenbaore Compagnonsschool en de kristelike CBS De Pream (basisonderwies). Op sportgebied is d'r de körfbalverieniging Kinea en voetbalverieniging V.V. Read Swart. Op et begreefplak staot ok ien van de klokkestoelen in Frieslaand.
In et zuudwesten van et dörp staot een Amerikaanse wiendmoter.
-
Klokkestoel
