Beune

Oet Wikipedie, de vraaie enzyklopedie
Gao naor: navigasie, zeuk
n Beun

De beune is t bovenste dail van n gebaauw dat direkt onder dak ligt en dat maisttieds broekt wordt veur opslag van spullen. Tegenswoordeg is de zv-kettel voak op zolder te vinden.

t Bovenste dail van n gebaauw mit plat dak wordt maisttieds gain zolder nuimd.

As der n (sloap)koamer timmerd wordt binnen beune, wordt dat n beunkoamer nuimd. Mit de beunkoamer wordt ook wel ais de hazzens aanduud, dat ja ook ien bovenste dail van t lief zit.

t Woord beunhoas betaikent aine dij waarkt veur geld dat nait registreerd wordt en woar dus gain belasten over betoald wordt. Ien t Nederlaands hait dit zwartwerker, môr t Nederlaands het ook t Grunnegse woord as lainwoord overnomen ien zin van beunhaas. t Woord is ôflaaiden van t fait dat man nait zain kin wat der op de beun apmoal gebeurt.

Ien Grunnen haren hoezen van oorsprong gain beune. Hoeskes waren zo lutteg dat zai gain beun hebben konden, of de bovenverdaipen was zo groot dat t gewoon n koamer was. t Woord beune verwiest van oorsprong den ook noar n beun van n schuur. Bie Oldambtster stees wazzen de beunen voak enörm groot. Dit wör voak broekt as heuschuur woar t streu en t heu dreugd wör. Tuzzen t heu was vrouger t perfekte stee veur boerendôchters om moal wat stiekems te doun.

Leegsaksisch[bewark | bronkode bewarken]