Bert Eeftink

Uut Wikipedie, de vrye encyklopedy
Naar navigatie springen Naar zoeken springen
Bert Eeftink

Bert Eeftink (1967, Goor [1]) is een tekstskriever, grappenmaker, zanger en prissentaoter uut de Oaveriesselse stad Goor. Al verskeiden jaoren gef hi'j daor oldejaorsveurstellingen mit Paul Schabbink en Rob Vorkink.[2]

Mit toetsenist en zanger Schabbink, mit wel e sund 1997 samenwarkt, vörmt Eeftink 't luusterliedties-tweital Kerkstraat Centrum. An-evuld mit meer muzikaanten vörmt ze een theaterband die 'muzikaal cabaret' mak. Mit 't nummer 'Vier vrienden' wun Kerkstraat Centrum in 2002 op 't Streeksongfestival een broonzen medallie. In 't zölfde jaor kwaamp 't live-album Levend op de planken uut.[3]

In 2007 gruuiden Eeftink zien bekendheid mit zien typegien Helligen Hendrik, op de previnciaole umroep Radio Oost een vast onderdiel van 't pregramma oaver streektaal Aksent. As Helligen Hendrik gaf e zien oldejaorsshow van 2007, mit de titel 'mBâh!', in plaatsen deur hiel Oaveriessel. De uutvoering in theater De Reggehof in Goor wördden uutezunden deur TV Oost. Naost Eeftink, Schabbink en Vorkink speulden d'r ok Raymond Nijenhuis in mit. Mit Schabbink en Vorkink deu Eeftink in 2008 ok de tweide oldejaorsconference van Helligen Hendrik op riege, 'FÔI!'.

In de populaire Oaveriesselse zieperiege Van Jonge Leu en Oale Groond speult Eeftink dokter Luuk Nijland. Hi'j skrif zölf ok an de riege mit.[4] Wieder hef hi'j veur de Twèentstalige versie van de Fabeltjeskrant, sund september 2007 veur TV Oost, vertalings emeuken en stemmegies edaone.

Eeftink is ok nog an TV Oost verbunden as prissentaoter.

Discografie[bewark | bronkode bewarken]

Mit Kerkstraat Centrum:

  • Levend op de planken (2007)

Uutgaonde verwiezing[bewark | bronkode bewarken]

Rifferenties[bewark | bronkode bewarken]

  1. http://www.destentor.nl/regio/raalte/woede-van-helligen-hendrik-loopt-uit-de-hand-1.3506203
  2. Recensie in De Twentsche Courant-Tubantia
  3. Web-log van Kerkstraat Centrum
  4. Kuiervraogen mit Bert Eeftink (geluudsopnaome)
Nuvola apps ksig.png Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.