Belise
| Belize | ||
 |
 | |
 Kaarte van Belise
| ||
| Informasie | ||
| Sproaken | Engelsk | |
| Heufdstad | Belmopan | |
| Regeringsvörm | Vereynigd parlementäär grundwettelik köäningryk | |
| Geleuf | 61,9% Kristelik
31,8% düt nargens an 6,3% anders | |
| Laand en inwonners | ||
| Oppervlakte - Water |
22.966 km² 0,8% | |
| Inwonners - Dichtheid |
397.483 17,31 inw./km² | |
| Koordinaten | 17° 15′ N, 88° 46′ W
| |
| Oaverig | ||
| Volksleed | Nationaal: Land of the Free (Land van de vryen) Köäninglik: God save the king (God behode den köäning) | |
| Munteenheid | Belisedollar ($) (BZD)
| |
| Tiedzone | UTC−6 (CST) | |
| Web | Kode | Tel. | .bz | BZ | +501 | |
Belise, meysttyds eskreaven as Belize (Belisekreool: Bileez) is en land an de noordoustelike küste van Middenamerika. Et land is 22.907 kilometer in et veerkant un der woanden in 2022 sou'n 397.483 lüde. De höyvdstad is Belmopan, de grötste stad is Belise Stad. Up et noorden is Belise nåbers med Meksiko, up et ousten de Karibiske Sey, un up et westen un süden med Guatemala. Et hevt ne watergrense med Honduras up et süüdousten. Belise höyrt by de Karibiske Gemeynskap (CARICOM) by an un wördt kultureel ouk as karibisk land eseen, as underdeyl van Britsk Westindie.
Tüsken 1500 vK un 300 nK höyrden et gebeed wat nu Belise is by de Maja's by an. Et güng der töt ungeväär et jår 1200 behöyrlik best. Et gebeed kreag vöär et eyrst med europeanen to maken do as Kristoffel Kolumbus tüsken 1502 un 1504 döär den Gulv van Honduras begünde to våren. Engelske untdekkingsreisigers västigden sik der in 1638. Beide Spanje un Grout-Brittanie seaden jårenlange at öär et land höyrden, töt at de britten de spanjården verslögen in de Slag üm St. Sjors syn Kaai (1789). In 1840 wör et ne britske kolony un ne krounkolony in 1862. Belise wör unafhangelik van et Vereynigd Köäningryk up den 21. september van 1981. Et is et eanigste land up et amerikaanske vasteland wat by et Britske Gemeynebest by an höyrt. Charles III van Engeland is der köäning un ståtshöyvd un löt de saken wårneamen döär nen guvernöör-generaal.
Belise hevt ne groute rykdom an land- un seyleaven. Vöäle bysündere deers un planten un verskeidenheid an leavgebeden sou as de vöäle koraalriffen maket et land en vöärnaam underdeyl van den Mesoamerikaansken Biologisken Döärgang. Kulturääl püttet et land uut heyl wat volker un språken. Et is et eanigste land in Middenamerika wåras engelsk de officiäle språke is, med belisekreool as meystespröäkenen förm. Spaansk is de tweyde meyst espröäkene språke. Dårnå volget majaanske språken, neaderdüütsk (van de mennoniten), düütske dialekte un garifuna. Et land hevt et kleinste bevolkingsantal un is et dünst bevolked van Middenamerika.
Et land steyt bekend üm de Septemberfeyste un puntamusik. Geografie van Noord-Amerika