Amalfiküste

Uut Wikipedia, de vrye encyklopedy
Nå navigaty springen Nå söken springen
Uutsicht up de Amalfiküste en et dorp Positano, vanaf et Sentiero degli Dei, den Pad van de Goden

De Amalfiküste (italiaansk: Costiera Amalfitana) is ne küstlyne an de tyrreniske sey, as deyl van de Gulv van Salerno in et süden van Italie. Verskeidene bargdörpkes, sou as Positano, Ravello en Praiano, ligget skilderachtig teagen de stikke rotsen an, wat jårliks hunderddusenden turisten van oaver de heyle wearld antrekt. Den anblik van de küstlyne steyt up de wearldarvgoodlyste van UNESCO.

Net as de rest van de streake valt de Amalfiküste under en mediterraansk klimaat, med wårme summers en milde winters. Et ligt teagen de stikke südelike küstlyne van et skyreiland Sorrento. Ümdat et sou stik is, is der vöär uutgebreid buren neet vöäle rüümde. Toch steyt de streake bekend üm de citroondrank Limoncello wat der emaked wördt. Teagen de höävels wordet up terrassen citronen verbouwd. De eanigste weg der hen oaver land is de veertig kilometer lange Strada Statale 163 van de oustelike stad Vietri sul Mare når Positano in et westen. An de küste ligget darteen gemeyndes, wårvan et de meysten van et turisme müt hebben.

Den kortst by liggenden luchthaven is et Salerno Costa d'Amalfi, mär de meyste lüde kummet oaver den internationalen luchthaven van Napels (Napoli-Capodiccino).

De streake kümt in afbealdingen, verhalen en films vöär, byvöärbeald as achtergrund in de films Roma van Federico Fellini uut 1972 en den amerikaansken superheldenfilm Wonder Woman uut 2017. Ouk den neaderlandsken teykener M.C. Escher makeden der in syne Italiaanske Periode litografyen van. De Strada Statale 163 is med alle draiingen en krunkels upenöämen in verskillende videospellen, sou as Forza Motorsport 3 en 4 en Gran Turismo 4.

Gemeyndes[bewark | bronkode bewarken]

Gemeynde Frazioni Seenswaerdigheiden
Vietri sul Mare Albori, Benincasa, Dragonea, Molina, Raito Karke vöär de Heilige Johannes den Döyper
Cetara Fuenti Cetara-torend
Maiori Erchie, Ponteprimario, San Pietro, Santa Maria delle Grazie, Vecite Collegiata di Santa Maria, Kasteel van San Nicola de Thoro Plano, Santa Maria de Olearia
Tramonti Campinola, Capitignano, Cesarano, Corsano, Figlino, Gete, Novella, Paterno Sant'Arcangelo, Paterno Sant'Elia, Pietre, Polvica, Ponte, Pucara Pucara-konservatorium, Rupestriaanske Karke in Gete
Minori Montecita, Torre Karke van Santa Trofimena en de olde romeinske villa
Ravello Casa Bianca, Castiglione, Marmorata, Sambuco, Torello Villa Cimbrone, Villa Rufolo, San Giovanni del Toro en de Duomo (katedråle)
Scala Campidoglio, Minuta, Pontone Scala-katedråle
Atrani gin Karken van San Salvatore del Birecto en Santa Maria Maddalena
Amalfi Lone, Pastena, Pogerola, Tovere, Vettica Minore Amalfikatedråle en et klöyster Chiostro del Paradiso
Conca dei Marini gin Groute karke van Sunt Johannen den Döyper en de Smaragden Grotte
Furore Fiordo di Furore, Marina di Praia Furorefjord
Praiano Vettica Maggiore Karken vöär Sunt Luca en Sunt Gennaro en Sunt Johannes den Döyper
Positano Montepertuso, Nocelle Karke van Santa Maria Assunta