Aberogwr

Oet Wikipedie, de vraaie enzyklopedie
Gao naor: navigasie, zeuk
Aberogwr.

Aberogwr (Engels: Ogmore-by-Sea) (oawerzetting oet et Kumries: Oetleup van n Afon Ogwr) is n dörpken an zee in et Vale of Glamorgan, Kumrië. Et lig an de meest westelike kaante van de kuste van et Vale of Glamorgan.

Skiednisse[bewark | bronkode bewarken]

Net zo as in Cornwall, Ierlaand en Bretanje was de westelike kuste berucht as een grafhof veur skepe tiedens harten inlaandsen weend (zooas zuudwesterlik vanof den Atlantiesen Oseaan). Tusker Rock is woar de measte skeepn vergoan bint, een rif wat volleadig onner water lig biej vlood. Biej Ogwr (en oawer et hele gebeed van et Vale of Glamorgan) leuten inwonners vake opzettelik skepen vergoan, deur ze met nep-vuurtoorns op de klippen te lokken, woarnoa zee oawervallen en löagreuwd wörden.

Ligging[bewark | bronkode bewarken]

Aberogwr lig ongevear 5 km op et zuden van Pen-y-Bont ar Ogwr en ongevear 32 km op et westen van Caerdydd. De straanden kiekt oet op Tusker Rock. Ze hebt zaand biej eb en skearpe rotsen biej vlood. Et Afon Ogwr-streumgebeed geet langs et Ogwr-straand an de ene kaante en langs de doenen van Merthyr Mawr an de annere kaante. Vanweage de staarke streuming is et neet veilig um te baden langs et grötste deel van et straand. De rötsige kuste steet bekeand as ne gode plaatse um rotsen te beklimmen. Eardkeundig zeen is et ne interessaante plaatse, umdet völle fossielen dudelik te zeen bint. Völle leu broekt de parkeerplaatse biej et Afon Ogwr-streumgebeed, wat vlakbiej den ingaank van et doarp lig, terwiel anneren deurgoat noar Southerndown.

Bekeande plaatsen[bewark | bronkode bewarken]

Ogmore centre is in de joarn 1930 bouwd um et better te maken veur keender oawer et heale Zuud-Kumrië. Et is in et middeln van de joaren '90 sleuten west, moar gung wier lös in 1998, tötdet et in 2007 wier dicht gung. Southerndown Golf Club en Portobello House bint ok dichbiej.

In kultuur en kunste[bewark | bronkode bewarken]

"Ogmore-by-the-Sea" wörd nöamd in et versken "Don't get along with me Babe" deur den muziekgroep Doofer.