A.L. Snijders
A.L. Snijders, skryversname van Peter Cornelis Müller (Amsterdam den 24. september 1937 - Klein Dochteren, den 7. juni 2021) was nen neaderlandsken skryver. Hee dachten nen nyen literären styl uut: et Glupends Korte Verhaal (vake ofekörted töt ZKV).
Leaven
[bewark | bronkode bewarken]A.L. Snijders deade neaderlandsk studeren an de Universiteit van Amsterdam. Hee warkeden tüsken 1965 en 1998 as leyraar neaderlandsk up verskeidene middelbåre skolen en de polityskole De Cloese in Lochem. Syn eyrste skryvwark, Ik leef aan de rand van de wereld, küm in 1992 uut. Dårnå volgden kantteksten (under meyr by Het Parool). Wyders steyt Snijders bekend van syne Slim Korte Verhalen.
In 2006 skreav hee med L.H. Wiener vöär Stichting De Roos et book L.H. en A.L. / A.L. en L.H. In datselvde jår gavven AFdH Uitgevers syn eyrste sammelwark van 336 skv's uut, under den titel Belangrijk is dat niet aan lezers denk. Synen jüngsten söäne, Gijs Müller (1971), makeden der teykeningen by. Den bündel kreag hee vöäle lov vöär, under meyr van Pieter Steinz (domålig beoordeyler by NRC-Handelsblad). In 2010 kreag hee de Constantijn Huygensprys vöär al syn wark. Seyd 2012 gevt et nen A.L. Snijdersprys vöär verhalen körter as 220 wöörde.
In et VPRO-programma De Avonden deade hee alle weaken en skv vöärleasen, töt et programma der in 2013 achterhen edån wör. Ouk löäs hee syne verhalen vöär in et KRO-NCRV-radioprogramma De Ochten van 4, up sündagmorgens. Regelmåtig wör hee vöär verskillende literäre gadderingen vrågd.
Seyd den 11. mei 2015 deade A.L. Snijders alle weaken nen skv skryven in DS WEekblad, en weakeneandenkatern by de belgiske krante De Standaard. In etselvde jår makeden hee vöär Nederland Leest ne sammeling med 40 körte verhalen van andere skryvers, as 'stålkaarte' van de neaderlandske literatuur. Den küm in november 2015 uut. Vöär de VPRO-gids deade hee ouk noch jårenlange skv's skryven.
Peter Müller was 53 jår samen med syne vrouwe Y Müller-Sweering, töt at see up den 25. määrt 2018 uut de tyd küm. Med mekander kreagen se vyv kinder. Up den 14. february 2020 deade A.L. Snijders in et televisyprogramma DWDD uut de döke wo as hee up latere leavtyd med aktrice Ineke Maria Swanevelt wat kreag en uutendelik trouwden.
In 2021 küm A.L. Snijders in syn huus in Klein Dochteren uut de tyd. Hee wör 83 jår old.
Skryvlyste
[bewark | bronkode bewarken]- Ik leef aan de rand van de wereld, 1992
- Het kalme glijden van de boot naar de waterval, 1992
- De taal is een hond, 1993
- De incunabel, 1994
- Ik ben de vreemdeling die naar de herfst moet gaan, 1997
- Niets is zo mooi als nutteloze kennis, 1998
- Lood, 2003
- Herinneringen aan een vader, 2006
- L.H. en A.L. / A.L. en L.H., 2006
- Belangrijk is dat ik niet aan lezers denk - ZKV's 2001-2004 (Rugtitel: Bidinald), Med teykeningen van Gijs Müller (1971), 2006, AFdH Uitgevers, ISBN 9789081118088
- Heimelijke vreugde, deel 1, 2007
- Vyssotsky/Garnalen, 2007
- Bordeaux met ijs, 2007
- Heimelijke vreugde, deel 2, 2008
- De mol en andere dierenzkv's, 2009
- Vijf bijlen, 2009
- Rug misschien licht vuil, 2009
- Broer, 2010
- Een handige dromer, 2010
- Danslessen voor gevorderden, 2011
- Voordeel schutter, 2011
- De incunabel, 2011
- Ruim water, 2012
- Brandnetels en verkeersborden, 2012
- Thèta, 2012
- Wapenbroeders, 2013
- Koude oorlog aan de IJssel, 2013, med Erik Harteveld. Köäsen töt Oaverysselsk Book van et Jår 2013.
- Kuikens, 3 zkv's, 2013
- De hartslag van de aarde, 2013
- Paspoort, 2014
- WFH, 2014
- De libelleman, 2015
- De schrijfmachine van mijn grootvader, 2016 (uutg. De GeitenPers)
- Het oog van de naald, 2018
- Doelloos kijken, 2019
- Tat Tvam Asi, 2021