|
Wiek bi-j Duurstee is een stad en gemeente in et zuuden van de Nederlaandse proveensie Utrecht. Den gemeente hef ruum 23.000 inwonners op ne oppervlaakte van nen kleinen 48 km² woarvan slechts 'n kleine dele woater is. Deur en lengs Wiek bi-j Duurstee streumen den rivere Nederrijn, Lek, Kromme Rijn en et Amsterdam-Rijnkanoal.
Wiek bi-j Duurstee hef ne stedenbaand mit Jičín (Tsjechië).
[bewark] Geskiedenis
Den stad Wiek bi-j Duurstee kreg in 1300 stadsrechten en was ebouwd an et kasteel Duurstee, vandoar den name Wiek bi-j Duurstee. Tiedens den Romiense tied stoond hier nen fort, ok leep den noordeleken grenze van et Romiense riek dwars deur Wiek bi-j Duurstee. Doar bunt ok nog veul vondsten edoan uut dizzen tied, deej künt zeen in Museum Dorestad. Op dee ploatse bevonden zich tiedens den Vrögge Middeleeuwn éne van de belangrieksten haandelsplaetse: Dorestad. Rundum 850 viel Dorestad noa 'n anval van den Vikingen. Zo wil toch den geskiedskrieving wat bi-j veul leu in trek is. Doar möt echter ernstig reakening met wödden eholden dat natuurleke en (kark)politeeke umstendigheden tesoamen mit den verskoevenden machtsverholdingen woarschienlek ne belangriekere rolle speulden. Den Rienbedding zol zich wat verploatst hebben, den haavn zol dee tied ok beginnen te verzaanden en doarboaven kwamen doar ne woaterstieging. Et verval van Dorestad betekkende bleuj veur Tiel, Deventer en Utrecht.
Den gemeente besteet uut den stad Wiek bi-j Duurstee (18.376 inwonners) en is op 1 januari 1996 samen-egoan mit de gemeenten Cothen (2.973 inwonners) en Langbrook (2.110 inwonners).
[bewark] Bezeenweerdig
- Kleurriek Wiek
- Jazz by Duurstee
- Gospel by Duursede
- Shantyfestival
- Maziekpop
- Wiek bi-j Duurstee hef ne bi-jnoame: "Dorestad" (ne esloagden haandelsstad). Et is neet zo dat den ni-jen Wiek bi-j Duurstee ne rechtstreaksen veurtzetting is van et olde Dorestad. Et is verneumd noar kastele Duurstee, dat op zien beurte weer eneumd is noar Dorestad.
- Moölle Rijn en Lek in Wiek bi-j Duurstee wödt wal es Den möle van Ruysdael eneumd. Den skilder Jacob van Ruisdael zol op ne beroomd skilderi-je den mölle hebben vereeuwigd. Dit is neet woar; op et skilderi-je in woaroaver et geet steet nen noabi-j eleagen mölle woar noe allenig nog moar den fundamenten van oaver bunt.
- Op 14 november 1998 meerden Pekskesboot 12 an ti4dens den laandeleken intochte van Sinterkloas. Tiedens dizzen intochte maakten Erik van Muiswinkel zien earsten optreaden as Heufdpiet.
- Ne göpsen weatenswoardigheid is dat Wiek bi-j Duurstee den oldsten karmis van Nederlaand hef.
[bewark] Uutgoande verwiezingen
[bewark] Galleri-je
|
-Flag.svg){kind=small}
