Weststellingwarf

Oet Wikipedie, de vraaie enzyklopedie
Gao naor: navigasie, zeuk
Gemiente Weststellingwarf
Vlagge van de gemiente Weststellingwarf Waopen van de gemiente Weststellingwarf
(Vlagge van Weststellingwarf) (Waopen van Weststellingwarf)
Lekaosie van de gemiente Weststellingwarf
Lekaosie van de gemiente Weststellingwarf
Informatie
Perveensie Frieslaand
Heufdplak Wolvege
Geografie en bevolking
Oppervlak
 - Laand
 - Waeter
228,45 km²
221,19 km²
7,26 km²
Antal inwoners
Inwoners per km²
25.585 (mei 2013)
116 inw./km²
Koördinaoten 52° 53′ N, 6° 0′ OKoordinaoten: 52° 53′ N, 6° 0′ O
Overig
Belangrieke verkeersaoders A32, N351
Netnummer 0527 = Sliekenborg
0561
Postkodes 8388 t/m 8398
8470 t/m 8472
8474 t/m 8479
8481 t/m 8489
Officiële webstee www.weststellingwerf.nl

Weststellingwarf (ok wel: Stellingwarf-Westaende) is een Friese gemiente mit 25.585 inwoners (1 mei 2013, bron: CBS) en een oppervlakte van 228,45 km², waorvan 2 km² waeter. De gemiente leit in de Stellingwarven, tegen de greenzen mit de perveensies Drenthe en Overiessel. Et gemientebestuur is vestigd in Wolvege.

Weststellingwarf maekt tegere mit Ooststellingwarf diel uut van de Stellingwarven, waor Stellingwarfs praot wodt.

De laandbouw omvat akkerbouw en veehoolderi'je, de industrie (veurnaemelik vestigd in Wolvege en Noordwoolde) produceert o.m. meubels, zuvelprodukten, bouwmateriaolen en elektrotechnische artikels. Et netuurrisservaot Lendevallei is een komplex bestaonde uut: Helomepoolder, Driessenpoolder, Gorterspoolder, Botkerisservaot, Onlaand en Oolde Stroomdal (petgatten in et zuden van de Lende). Aandere netuurgebieden binnen de gemiente bin de staotsnetuurrisservaoten Braandemeer (niet toegaankelik) en Rottige Meente.

Geschiedenis[bewark | bronkode bewarken]

De ooldste dörpen in Weststellingwarf ontstonnen in de 8e ieuw totan de 14e ieuw, bouwd op flauw hellende, lange zaandroggen, die oorspronkelik begreensd wodden deur hoogvenen. In de 11e ieuw beheurden West- en Ooststellingwarf tot Drenthe en stonnen ze onder de Bisschop van Utrecht. Et bestuur en de rechtspraoke weren in hanen van stellings (dörpsrechters), die elk jaor wisselden. In 1504 wodde et gebied de tiende grieteni'je van de Zeuvenwoolden.

Belangriekste plakken[bewark | bronkode bewarken]

De gemiente Weststellingwarf telt 26 officiële dörpen. De heufdplak is Wolvege. De Nederlaanse naemen bin de officiële, de Friese naemen wodden niet gebruukt. In Weststellingwarf wodt gien Fries, mar Stellingwarfs praot, een Nedersaksisch dialekt. De plaknaembodden in de gemiente bin ientaelig Nederlaans.

Dörpen[bewark | bronkode bewarken]

Antal inwoners per woongebied op 1 jannewaori 2008:

Stellingwarfse naeme Nederlaanse naeme Antal
Wolvege Wolvega 12.419
Noordwoolde Noordwolde 3.789
Steggerde Steggerda 1.111
Hooltpae Oldeholtpade 1.072
Buil Boijl 908
De Blesse De Blesse 816
De Oosterstreek Oosterstreek 527
Ni'jhooltpae Nijeholtpade 490
Blesdieke Blesdijke 487
De Hoeve De Hoeve 429
Scharpenzeel Scherpenzeel 429
Munnikeburen Munnekeburen 415
Zaandhuzen Zandhuizen 339
Der Izzerd Ter Idzard 321
De Langelille Langelille 267
Sunnege Sonnega 235
Ooldelaemer Oldelamer 223
Ooldetriene Oldetrijne 221
Spange Spanga 217
Vinkege Vinkega 216
Ni'jhooltwoolde Nijeholtwolde 187
Ni'jlaemer Nijelamer 162
Hooltwoolde Oldeholtwolde 141
Ni'jtriene Nijetrijne 131
Peperge Peperga 90
Sliekenborg Slijkenburg 37

Bron: CBS

Buurtschoppen[bewark | bronkode bewarken]

Naost disse officiële dörpen bin d'r in de gemiente de volgende buurtschoppen:

Bevolkingsontwikkeling[bewark | bronkode bewarken]

Op 1 jannewaori 2011 woonden 25.846 meensken in de gemiente Weststellingwarf. De historische bevolkingsciefers van de gemiente bin zo:



Wikimedia Commons Commons: Weststellingwarf - plaetjes, filmkes en/of geluudsbestaanden.