Petrieze

Uut Wikipedia, de vrye encyklopedy
Petrieze
Perdix perdix

De petrieze (Perdix perdix) is een akkervoegel uut de femilie van fezanten (Phasianidae).

Kenmarken[bewark | bronkode bewarken]

Een volwassen petrieze is ongeveer 30 centimeter groot. D'r poten bin gries, de kop is kestanjebruun liekas de keel. Mannetjes hem oek een kestanjebrune buukvlekke in de vorm van een hoefiezer. De vrouwtjes hem een kleinere vlekke; de jongen hem gien vlekke. Veur de reste is der minnig verschil tussen mannetjes en vrouwtjes (in tegenstelling tot bie de gewone fezante).

Leefgebied[bewark | bronkode bewarken]

De petrieze is een standvoegel dee in 't overgrote deel van Europa veurkump, waoronder in Nederlaand en België. Uutzonderingen bin 't Iberisch schiereilaand, Noord-Scandinavië en Zuud-Griekelaand.

Petriezen koemen veural in kleinschaolige open terreinen veur, zoas weilanen, akkers en braokliggende terreinen mit houtwallen of hègen. Ze breujen op 't gres, heed, in moerassen, dunen en lege bargen.

Rooie Lieste[bewark | bronkode bewarken]

De petrieze steet op de Rooie Lieste van bedreigen en kwetsbaore voegelsoorten in Nederlaand. De petrieze hef de staotus 'kwetsbaor'. 't Antal petriezen in Nederlaand is stark of-eneumen. Op dit mement bin der nog mar 10.000 brotpaoren.

De reden hierveur is ondere aandere dat ze een gebrek an insekken hem, wat weer kump deurdat der krap genog bloemrieke overhoekjes bin. Butendat bin der neet genog stoppelakkers um te overwienteren. In 't brotseizoen gaon veul nessen deran deur 't meien.

Op de petrieze mag op dit mement in gien enkel seizoen ejeugen wonnen.

Nedersaksisch[bewark | bronkode bewarken]

Uutgaonde verwiezingen[bewark | bronkode bewarken]

Wikimedia Commons Commons: Petrieze - plaatjes, filmkes en/of gelüüdsbestanden.