Llanddewi Brefi

Oet Wikipedie, de vraaie enzyklopedie
Gao naor: navigasie, zeuk
Llanddewi Brefi
Sunte-Davidskarke

Llanddewi Brefi (IPA: ɬanˈðɛwi ˈbrɛvi, Kumries veur: karke van David an de rivier Brefi) is n darp mit om en bie de 500 meensen in Ceredigion, Kumrië.

In de 6e eeuw höl Sunte-David hier (Dewi Sant in t Kumries), de patroonheilige van Kumrië, de Synode van Brefi en sinds die tied draagt t zien naam; "Llan" verwis in Kumriese plaotsnamen naor n karke of n heilige plekke. De parochiekarke is ewijd an Sunte-David en daor steet oek n niejmoeds staandbeeld van hum.

Naost n Anglikaanse karke, is der oek n non-konformistiese kapelle, twee kroegen en n krujenier. De inwoeners uut t darp en t umliggende gebied praoten van huus uut veural Kumries. De plaotselike ekonomie dreit veurnamelik op t houwen van schapen en op melkveehouwerieje.

Llanddewi Brefi is bekend ewörden deur t tillevisieprogramma Little Britain van de BBC, waor Daffyd Thomas (n variasie van de oorspronkelike Kumriese naam Dafydd; espeuld deur Matt Lucas) in t fiktieve darp Llandewi Breffi woent. Daffyd is n achterlike idioot die geleuft dat e de enigste homo in t darp is, en beschuldigt zien darpsgenoten van homofobie ondanks dat ze der best doon um te laoten zien dat ze gien problemen hebben mit zien seksuele gerichtheid en bin zelf oek vake van de verkeerde kaante.

Uutgaonde verwiezing[bewark | bronkode bewarken]

Wikimedia Commons Commons: Llanddewi Brefi - plaetjes, filmkes en/of geluudsbestaanden.
Nuvola apps ksig.png Dit artikel is eschreven in t West-Veluwse dialekt van Nunspeet, in de Algemene Nedersaksiese Schriefwieze.