Gietelink

Oet Wikipedie, de vraaie enzyklopedie
Gao naor: navigasie, zeuk
n Gietelink mit n torenvalke
Oorspronkelik laefgebied van de gietelink

De gietelink (Latien: Turdus merula) is n vogel uut de familie van de liesters (Turdidae). Veur de Nedersaksiese benäming gietelink worden der meerdere verklaoringen egeven, zo zol t van t Oldsaksiese woord geetfugal (letterlik: geitvogel) kunnen komen, dät later weer verbasterd is töt getelink, gietelink of n andere vörm; t zol van giebelen of giechelen kunnen komen, t geluud dät e maakt; weer anderen denken dät t zien oorsprong vindt in t woord gîhan (en-en-weer vliegen). De Nederlandse näme merel kömp van t Latiense woord merula.

De gietelink is ien van de bekendste soorten van disse familie en daormet n typies veurbeeld van n zangvogel. De soorte turdus merula is nog es värder op-edeeld in enkele ondersoorten. Zo laeft op de Kanariese Eilanden de turdus merula cabrerae; op de Azoren de Turdus merula azorensis die kleiner en donkerder is, en waor t vrouwchien ok väke n elder-ekleurde snävel ef; en in Noordwest-Afrika laeft de Turdus merula mauritanicus die griezer is as de Nederlandse of Europese gietelink. Väke verdeelt ze de gietelinks ok onder in twie groepen: stads- en bosgietelinks.

De gietelink kömp van nature veur in t zuden van de poolsirkel in eel Europa en grote delen van Azië. In andere pläätsen is de gietelink ok uutezet en in Australië en Ni'j-Zeeland wordt e ezien as n echte plaoge.

Nedersaksies[bewark | bronkode bewarken]

Galleri'je[bewark | bronkode bewarken]

Uutgaonde verwiezings[bewark | bronkode bewarken]

Wikimedia Commons Commons: Gietelink - plaetjes, filmkes en/of geluudsbestaanden.
Nuvola apps ksig.png Dit artikel is eschreven in t Oost-Veluwse dialekt van Attem, in de Algemene Nedersaksiese Skriefwieze.