Betuwe

Oet Wikipedie, de vraaie enzyklopedie
Gao naor: navigasie, zeuk
Betuwe

De Betuwe of Revierenland is een Nederlanse landstreek in de previnsie Gelderland, elegen tussen de revieren de Waol in 't zujen en de Nederrien en de Lek in 't noorden.

De Betuwe bestaot uut de zuudwestelijk elegen Tielerwaard, de noordwestelijke Nederbetuwe en de oostelijke Over-Betuwe.

't Reviertjen de Linge stroomt van oost naor west deur de Betuwe. De stad Tiel het de belangriekste regiofunctie in dit revierenland. Are grotere plekken bin Culemborg en Geldermalsen. De Betuwe staot veural bekend um zien grootschaolige tuunbouw, waoroender de vruchtenteelt (appels, peren kaarsen). De oorzaak van dat landgebruuk leit in de geologie en bojemgesteldheid van 't gebied. De Betuwe bestaot uut een ofwisseling van ouwe stroomgeulen, de stroomruggen an beie kanten daorvan en de komgroenden veerder van de revier vandaon. Disse ouwe revierlopen bin op veule steeën in 't landschap, oek binnendieks, nog goed te herkennen. Mit name de stroomruggen mit wat zanderig materiaol, waren iezig goed eschikt veur de tuunbouw en vruchtenteelt en vormen de beste landbouwgroenden van Nederland.


Nuvola apps ksig.png Dit artikel is eschreven in 't Puttens