Kloomp
Klompen zint höltene skone. Ze wordt al honderden joaren duur heel Europa hen edreagen, meestal duur boeren en woarkleu. De meeste klompen wordt rechtevoord met machines emaakt, mer in et verleden met de hand esneden.
Andere namen oet de middeleeuwen zint: clomp en holleblock. Klompen wordt et meeste oet pöppel- en wilgenholt emaakt, mer mangs ook van lear. Et soort klompen van pöppelholt neumt ze ook wal es pöppeln en mangs wördt den naam vuur klompen in et algemeen gebroekt.
Höltene klompen voldoot an alle eisen van de EU um vuur volweardigen woarkskoon duur te goan.
Leu wat et neet ewend zint, loopt zo mer nog neet op klompen vort. Klompen geevt ja niks met, woerduur as 'n dreager der ne zeare wrieje van kan kriegen. Et beste is der op de lopen duur bie et optillen van de bene de tene luk te krommen. Dan buur iej 'n klomp op.
Leu met hoge wriejen köant biej 'n klompenmaker wat oet de kappe loaten sliepen. As dat neet genog is, kan der de hele kappe ook of en maakt ze der nen learenen band oaverhen.
Landelik steet et Twentse Enter bekend as Kloompndoarp. Hier steet ook 'n grötsten klomp van de wearld oet een stukke: 403 cm lank, 171 cm breed en 169 cm hoge. Doarmet steet he in et Guinness Book of Records.
Vroger had iedere strekke wier een egen klompmodel, en ook vuur verskillende beropen warren ofzunderlike klompen te kriegen. Zo konden de leu an de klompen zeen woeras ene vandan köm en wat vuur woark of he deed.
Neersassies
[bewark | bronkode bewarken]- Achterhooks:
- klompe
- peppel
- Drèents: klomp(e)
- Grunnegs:
- klombe (VEK)
- klumpe (WEK, WEV)
- klomp (overeg)
- hol(t)ske (aigelks t woord veur n tripsklombe)
- Sallaands: klompe
- Stellingwarfs: klompe
- Tweants: kloomp, pöppel / peppel
- Veluws: klomp(e)
Ook bekieken
[bewark | bronkode bewarken]Oetgoande verbinding
[bewark | bronkode bewarken]Zelf een stel klompen maken?
- Klompen maken Ne oetgebreaide beskriewing van t met de haande maakn van kloompn
- www.klompen.nl
|
Disse pagina is eskreewn in t Riesns |