Zoltkamp
Zoltkamp (Nederlaands: Zoutkamp) is n dörp ien t noordwesten van de provìnzie Grunnen. t Ligt ien de gemainte Marne en wordt ook wel genoatdörp van Grunnen nuimd. De Zoltkampers hebben de bienoamen Schelleviskoppen en Vlintboksems. De noam Zoltkamp kommt van Zolt, verwiest noar de zolle Laauwerzee en Kamp, n ander woord veur veld. Zoltkamp ligt aan t Rietdaip en har dus n gooie stoates ien de middelaiwen, dou t Rietdaip t ainege woaterweg noar t Stad was. Zoltkamp stait veural bekènd om de kleurege hoeskes laanks de Rietdaipkoade.
Historie
[bewark | bronkode bewarken]Tot 1969 tou, dou de Laauwerzee ôfsloten wuir, was Zoltkamp n viskershoaven. De viskersboten harren de letterkode ZK. In t verleden was t dé hoaven veur de vangst van genoat. Hierdeur is der n (visk)verwaarkende industrie ontstoan, woarbie de genoat bie de mìnsken thoes peld wuiren. Dit pellen wordt tegenswoordeg veural doan in Marokko. t Zoltkamper bedrief Heiploeg BV is de grootste genoatleveranzier van Europa.