Raitdaip
t Raitdaip is n revier dij van de stad Grunnen (Noorderhoaven) noar t Laauwersmeer lopt.
Vanôf Wierumerschaauw is t Raitdaip de benedenloop van de Hunze. t Gedailte van Grunnen tot Wierumerschaauw tou is de oetgraven benedenloop van de Drìntse Oa. Dit gedailte wordt ook wel t Swoanerak nuimd, moar dizze noam is boeten gebruuk roakt. In t verleden binnen, as gevolg van verzanden, dailn liekrekt. Dizze dailen hebben sums n aigen noam. t Swaalfkerak (1622) ligt ten noorden van Ollehoof, t Laangerak (1629) bie Gaarnwerd. t Stok bie Gaarnwerd wuir groaven omdat t originele stok Raitdaip te drèl was. Boten deden der hierdeur veul te laank over om bie Stad te kommen, moar mit t liekrekken doun zai der veul körter over, omdat t Laangerak allind moar liekoet gaait.
Tot de aanleg van t Emsknoal in 1876 was t Rietdaip de ainege verbinden van Stad mit zee. Deur t leggen van n diek van Zoutkamp noar de Nittershouk, mit doarin n spij- en n schutziel verdween de open verbinden. In 1877 was de ôfsluiting kloar. Doardeur verdween ook de invloud van eb en vloud oet de stad.
Aan t ìnde van t Raitdaip ligt Zoltkamp dat, tot de ôfsloeten van de Laauwerszee in 1969, een viskershoaven was. Dit is t nog aal, moar in mindere moat. t Raitdaip vervolgt zien weg in t Laauwersmeergebied as de Zoltkamperril, de Slenk en t Voarwoater noar Oostmahörn.
t Raitdaip is de belaangriekste ôfwoatern van t noorden en t westen van de provìnzie Grunnen en de kop van Drìnte. In t daip ligt t gemoal De Woaterwolf, bie t buurtschop Lammerburen, maisttieds aangeven as Elektra.
Raitdaipdaal
[bewark | bronkode bewarken]t Raitdaipdaal, mit noam t gebied tuzzen t Van Staarkenbörgknoal en t Winzumerdaip is n ekologisch interessaant gebied, woarvan grode dailen ingericht binnen as natuurgebied. Dizzent binnen in onderhold bie de stichting t Grunneger Laandschop.
Heenwiezen
[bewark | bronkode bewarken]
|
Commons: Raitdaip - plaatjes, filmkes en/of gelüüdsbestanden. |
|
Schreven in Stadjeders |