Watermöäle van Bels
De Watermöäle van Bels is ne watermöäle in de Mosbeake in de twentske gemeynde Tubberge. Upetrökken in 1725 uut sandsteyn un vakwark, warkeden de möäle eyrst as papyrmakerye. Vanaf 1845 deaden se der ouk weagenwachterskruud målen. Dat was en bestanddeyl üm koffee med to vervangen, wat in dee tyd vöär gewoane lüde noch en luxeprodukt was.
Eyrsten papyrmaker was Hendrik Meyer. Do as den uut de tyd küm un papyr voordan minder upbrachteden, löät syne vrouwe der ne tweyde möäle teagenoaver setten an de andere kante van de Mosbeake. In 1860 beslöät öären söäne et papyrmaken to låten un der ne korenmöále van to maken.
De möälenkolke un stuwvyver gröäv hee der in 1874 by. In 1914 kochteden de family Bels et heyle spül un makeden van et rechter gebouw ne korenmöäle. Vöär et boavenslagrad küm ne turbine in de steade.
In 1957 kochteden Stichting Het Overijssels landschap de möäle un allens wat der by an höyrt. See deaden et düchtig upknappen. In 1962 güng et lös as teahuus un restaurant.
Vöärlichtingscentrum[bewark | bronkode bewarken]
In et möälendeyl hevt stichting 'de Overijsselse Molen' n informatysteade inerichted. Dår is to verneamen wodöänig as et upknappen güng un wat vöär möälens der in Oaveryssel to vinden sint. Nen olden brander van et weagenwachterskrüüd warkt weader, un in den kelder sint verskillende soorten windmöälen to bekyken.
Yderen tweyden un veerden sündag van de månd doot se de möälen bedenen vöär publik.