Waoterfoks
.jpg)
De waoterfoks (Impatiens walleriana) is een 30 tot 60 centimeter hoge, kruuiachtige plant, staark vertakte halfheester mit kaole, gladde, glanzende en deurschienende stengels. De blaojen bin oenderan de stengels ofwisselend eplaotst en in 't bovenste gedeelte staon de blaojen in kransen. De blaojen bin langwaarpig tot langwaarpig-roend, in de bladsteel versmald, toe-espitst en an-edrukt etand.
De bloemen bin kermienrood, scharlakenrood, vermiljoenrood, rozerood, roze of wit van kleur. Ze bin plat van vorm en steken uut boven de vleizige steunblaojen. Ze worren tot 4 centimeter breed, bin zwat straolsgewies geliek en dragen een fien, lang spoor.
De waoterfoks komt van oorsprong veur in de baargen in tropisch Afrika en op Zanzibar. De waoterfoks wort veul as kamerplant gebruukt, hoewel die de vergangen jaoren in de handel overschaoduwd wort deur de verwante Niej-Guinea-impatiens, die oek wel oender de naam “waoterfoks” (vlijtig liesje) verkocht wort. De plant is makkelijk vegetatief te vermeerderen deur middel van stekken.
Nedersaksisch
[bewark | bronkode bewarken]- Veluws:
- waoterfoks
- waoterplaant(e), waoterplant(e)
- waoterplaantjen, waoterplaantien
- waoterplantjen waoterplantien
Uutgaonde verwiezing
[bewark | bronkode bewarken]
|
Commons: Waoterfoks - plaatjes, filmkes en/of gelüüdsbestanden. |
|
Disse pagina is eschreven in 't Putters |