Woapen van Riesn-Hooltn

t Woapen van de gemeante Riesn-Hooltn.

Et Woapen van Riessen-Hoolten is et woapen van de Oaweriesselse gemeante Riesn-Hooltn. Et woapen wörren met Köninklik Besloet öp 18 augustus 2004 an de gemeante geawen.

Blazoenering

De ömskriewing van et woapen is (in et Nederlaands):

"Gedeeld; I in azuur een rijstak van goud; II in goud drie zwijnskoppen van keel met slagtanden van zilver, boven elkaar geplaatst. Het schild gedekt met een gouden kroon van vijf bladeren."

De heraldieske kleuren bint gold (geel), azuur (blaauw), keel (rood), en zilver (wit).

Geskiednisse

Et woapen dut de woapens van de eermoalige gemeanten Riessen (nen goldenen tak) en Hoolten (de zwieneköppe) bie mekaar. n Riessensen tak kömp al veur op nen zeggelofdruk oet 1511. Et Riessense woapen is ok een sprekkend woapen: n "rijs" of "ries" is een old woard veur een täksken. Oawer de wegkomst van de zwieneköppen we'w niks, nich biej et archief van de Hoge Raad van Adel mer ok nich biej t gemeantearchief. Wat wal vaststeet, is dat Hoolten zik mangs ook et keunedarp neumt; ne keu is een anner woard veur 'biggen.

De Hoge Raad van Adel döa tiedens de woapenanvroage et veurstel öm et woapen van Riessen (dat in de riekskleuren oet-voord is) te veranderen. Völgens det veurstel zollen et skild greun worden, met nen tak van zilver. Tusken twee zwieneköppe zollen ne sterre of lelie kommen wat de maagd Maria mos veurstellen. Mer de gemeante vönnen de olde kleuren better en har nich zovöl met Maria. De gemeante kömn doe met et veurstel van et deelde woapen, zo as et ok an et ende an de gemeante verleand is.

Glieksoartige woapens

• 
  Woapen van Riesn
• 
  Woapen van Hooltn