Vreade van Utrecht

Uut Wikipedia, de vrye encyklopedy
Ne eerste versie van t Verdrag van Utrecht, 1713, in t Spaans (leenks), en ne latere versie in t Latien en t Engels.

De Vreade van Utrecht wis op ne riege vreadesverdraagn dee't in 1713 teeknd wördn in t Utrecht van de doomoalige Reppubliek van de Zeuwn Vereanigde Proveensies. Met de Vreade van Utrecht köm dr n eande an ne lange riege gevechtn en veeldslaagn van de Spaanse Opvolgingsoorleuge.

De verdraagn wördn oonderteeknd duur an de ene kaante de ofveardiging van Keuning Lodewiek XIV van Fraankriek en Filips V van Spanje, en an de aandere kaante de ofveardiging van Keuniginne Anne van Groot-Brittanje, n Hartog van Savoye, de Keuning van Portugal en van de Vereanigde Proveensies.

t Biezeundere an disse gebuurtenisse, is det dr vrea köm noa oonderhaandelings, terwiel doarvuur aait vreade of edwungn wör duur gevechtn en veeldslaagn. De oonderhaandelings doern aanderhalf joar. In dee tied wör dr völle keunst- en kultuurwoark emaakt.