Volkstune
Een volkstune is een partekuliere tune dee neet bie de eigen woenige lig. Nederlaand hef ongeveer 240.000 volkstunen, en ze bin der in veule soorten en maoten: van tredisionele greuntetunen waor greunte en eventeweel vruchen en krujen op verbouwd wonnen, tot siertunen mit bloemen, heesters, een gresveldjen, een viever en zelfs bomen. Soms hemmen siertunen een thema, bieveurbeeld een Engelse laandschapstune, een rotstune, een netuurvriendelijke tune of een Jepanse tune. Daornaos hef de volkstune alderhaande tussenvormen waorin nutsgewassen en siergewassen deur mekaar eteeld wonnen.
Volkstunen wonnen veurnamelijk in de stad ehuilen, umdat meensen daor neet genog ruumte in de veur- of achtertune hemmen um zoksoort dingen an te plaanten. Op 't plattelaand in de darpen zie-j de volkstunen neet zoveule. Je zien wel vake dat meensen naos der eigen tune een volkstune hemmen um op kleine schaole (neet-commercieel) te boeren.
Ofhankelijk van de gemeentelijke bouwveurschriffen, maggen der schuurtjes of kassen en zoksoort dingen op de tune staon. Veurbeelden hiervan bin: een platte bakke, een kasse, een schuurtjen of een tuunhuus. In sommigen tuunhuzen mag der in de zoemerperiode (april-oktober) esleupen wonnen, dat wonnen dan deur de gemeente in een vergunning eregeld.
Net zoas de tunen, verschillen de volkstuunders zelf. Jong en oud, man en vrouw, van alle kleuren, rangen en standen: volkstuunders vormen een dwarsdeursnee van de Nederlaanse bevolking. Vake reup een volkstune allinnig wel een beeld op van stadse luui dee zo'n tune hemmen.
Nedersaksisch
[bewark | bronkode bewarken]Uutgaonde verwiezingen
[bewark | bronkode bewarken]
|
Disse pagina is eschreven in 't Nunspeets |