Vledder

Uut Wikipedie, de vrye encyklopedy
Naar navigatie springen Naar zoeken springen
De ligging van Vledder binnen de Drèentse gemiente Westerveld

Vledder is een esdörp[1] in de gemiente Westerveld, in 't zuudwesten van de pervincie Drenthe. Krek as veul aandere Drèentse brinkdörpen, hef 't een lange geschiedenis. In de umgeving van Vleder bint verscheiden grafbulten en urnenvelden evunden uut de ni'je stientied. D'r bint diverse prehistorische vondsten edaone, zoas stienen bielen, barnstien en urnen.

De naeme Vledder wis op een natte plaetse. De twie ooldste straoten van 't dörp ligt dan ok rondumme een legere plek die vrogger aordig nat ewest hef. 't Dörp hef twie brinken, die ze de grote en de kleine brink nuumt. Zoas bi'j alle esdörpen, lig niet wied van 't dörp een beek, de Vledder Aa. 't Vledderveld achter de es is vandaege een bos- en netuurgebied van Staotsbosbeheer. Bi'j 't Vledderveld was van 1939 töt 1981 een warkkaamp, Kaamp Vledder, evestigd.

't Hudige dörp hef een kleine 2000 inwoners. Töt de gemientelijke herindieling van 1998 was Vledder een zölfstaandige gemiente van zo'n 3500 inwoners. Töt dizze gemiente behoorden naost Vledder zölf de dörpen Vleddervene, Wilhelminaoord, Dooldersum, Boschoord, Frederiksoord en Ni'jensleek.

De Johannes de Deuperkarke is ien van de weinige Drèentse karken mit een zadeldaktoren. Vledder lig körtbi'j de grèenze mit Frieslaand, daoraj dit soort karketorens meer hebt.

Vledder hef een koppeltien musea: een museum veur valse keunst en veur grafiek en een schulpenmuseum (Miramar Zeemuseum). Op vuuf kilometer van Vledder lig 't Nationaol Park Drèents-Friese Woold. Ok hef 't dörp een kleine korenmeule.

De voetbalclub van Vledder het BEW (blauw en wit), op-ericht in 1951.

Plaotiesriege[bewark | bronkode bewarken]

Uutgaonde verwiezing[bewark | bronkode bewarken]

Rifferenties[bewark | bronkode bewarken]

  1. Bijhouwer, J.T.P. (1977), Het Nederlandse Landschap, Amsterdam: Kosmos
Nuvola apps ksig.png Dit stok is eschreven in et Stellingwarfs van Westerveld.