Universiteat Utrecht
De Universiteat van Utrecht (UU) is ne Neerlaandse universiteat in de stad Utrecht. Töt midln joarn '90 heetn t Rieksuniversiteat Utrecht (RUU). De UU hef ongevear 29.000 studeantn (ongevear 6.500 niejn in t joar). Doarmet is t de tweedegrötste universiteat van Neerlaand. Dr woarket ongevear 8.000 leu op de UU, woervan't 640 hooglearaar zeent. UU hef 48 bacheloropleaidings, 122 minors en 198 masteropleaidings. UU hef zeuwn vakgroepn (fakulteatn, woerin't verwaante opleaidings op enömn zeent) en joarliks ongevear 650 miljoen euro te besteedn. t Heuwd van de universiteat is prof. dr. Bert van der Zwaan.
De UU begun in 1634 as illustere skole, en wör twee joar later opweardeert töt universiteat. In de Fraanske tied wör de UU degradeerd töt "ecôle secundaire" (middelbere skole), mer kreeg noa de bevrieding de universiteatsrechten wier terugge.
Vakgroepn
[bewark | bronkode bewarken]De UU hef zeuwn opleaidingsvakgroepn:
- Geestesweetnskopn (sproaklear, muziekweetnskopn, kultuurweetnskopn, godgeleardheaid, filosofie)
- Rechtgeleardheaid, Ekonomie, Besteur en Organisasie
- Eardwetenskopn
- Geneaskeunde - oonderdeel van t UMC Utrecht
- Deergeneaskeunde
- Sosjale Weetnskopn (oawer moatskoppieje en gedrag)
- Bètaweetnskopn (rekkenen, natuurkeunde, skeaidkeunde)
Geböwwe
[bewark | bronkode bewarken]De Universiteat van Utrecht zit in verskilnde geböwwe. De meeste vakgroepn zeent oonder ebracht in de geböwwe van de Uithof. Dit is n gebeed wat net boetn Utrecht ligt, op t zuudn van De Bilt. De aandere vakgroepn zitt vuural in de binnstad van Utrecht, in oolde gebouwn dee't op t oonderwies zeent verbouwd en an epast, zo as de Trans, Achter de Dom, Kromme Nieuwe Gracht (woeran't ook t kompjoeterhoes zit) en t Ledig Erf.
Aandere geböwwe zitt op t University College, wat ne aparte stoatus hef binn de UU. Hier zitt internasjonale studeantn op nen kaamp bie mekoar, op de oolde Kromhout Kazerne van t leager.
Bibliotheek
[bewark | bronkode bewarken]De UU hef twee bibliotheekn, één in de binnstad en één op de Uithof.