Eerdwetenschoppen

Eerdwetenschoppen (ok wel geowetenschoppen nuumd) is de verzaemelnaeme veur alle wetenschoppen die de pleneet Eerde bestuderen.

Eerdwetenschoppen bin de treditionele wetenschoppen as geologie, fysische geografie, geofysika en ingenieursgeologie. Bi'j eerdwetenschoppen gaot et mit naeme om gestientes en heur ontstaon en gedregings. Mar behalven gestiente is eerdwetenschoppen ok richt op 'e atmosfeer, waeter en ies. Daoromme beheuren ok wetenschoppen as hydrologie, glaciologie, meteorologie, klimaotologie, hydrografie, geodesie en oceanografie tot de eerdwetenschoppen. Wetenschopsrichtings as netuurkunde, scheikunde, wiskunde en biologie dregen hulpmiddels en gereedschoppen an mar valen onder exakte wetenschoppen.

Vakgebieden binnen eerdwetenschoppen

Hieronder volgt een alfebetische liest van vakgebieden binnen de eerdwetenschoppen.

Bodemkunde Biogeologie Fysische geografie Geoarcheologie Geochemie Geodesie Geofysika Geomorfologie Geologie Glaciologie Hydrografie Hydrologie Ingenieursgeologie Klimaotologie Kwartairgeologie Limnologie Meteorologie

Mienbouwkunde Milieukunde Mineraologie Oceanografie Paleoklimaotologie Paleontologie Paleobotanie Paleoceanografie Paleozoölogie Petrologie Regionaole geologie Sedimentologie Seismologie Speleologie Stratigrafie Vulkanologie

Pattie van disse vakgebieden hebben raekvlakken mit aandere wetenschoppen. Fysische geografie vaalt bi'jgelieks onder eerdwetenschoppen mar ok onder geografie, en biogeologie en paleontologie valen ok onder biologie.