Two Bridges

Oet Wikipedie, de vraaie enzyklopedie
Gao naor: navigasie, zeuk
De olde brögge.
De nieje brögge.
t Two Bridges Hotel det vreuger nen kootsiersherbarg was.

Two Bridges (Tweants: Twea Bröggen) is nen isolearden plak in t heart van Dartmoor National Park in Dartmoor in n civil parish Dartmoor Forest in Devon, Englaand. t Leg önnevear 2,5 km ten neurden van Princetown laanks de olde Turnpikestroate dee in n 18en joarhönnerd kats deur Dartmoor an-leg is (noe-an-n-dag is t de B3212).

Ne koarte oet 1765 döt n herkömst van noam angeffen: vreuger lei de stroate moar n kleain stuksken streumöpwöarts van woar twea streume sammenkömt, oawer zowal n West Dart River as n River Coswic, woardeur der twea bröggen nödig warn.

In 1891 warn disse vort-goan en was der alleanig eane brögge, wieter streumofwoarts, oawer n West Dart. Teagenweurdig bint der ekter wier twea bröggen öp n plak deurdet der nen niejen, moderneren struktuur nödig was veur t moderne verkear, tarwiel zinnen olden broor ok stoan blieven. Bezeukers denkt mangs det disse dezölfde bröggen bint dee n noam geawen hebt an dissen plak.

In n 18en joarhönnerd was Two Bridges t bekantst veur zinnen tuffelmarkt. n Plak was zönner twiefel keuzen öm zinne sentroale lokoasie, en ok maklik bezeukboar laanks de wegge dee doe en ok vandoag nög de eanige broekboare wegge is dee deur Dartmoor henne geet. n Poar kleaine steangreuwe in de noabiejheaid bewiest det der vreuger ok wat industrie was.

Zee dee wärken en mekoar öntmeuten in dissen of-leagnen plak könn zich verfrissen en oawernachten in Saracen's Head. Dissen kootsierherbarg oet 1794 steet der noe-an-n-dag nöch, moar hett noe t Two Bridges Hotel.

Ok vandoag-n-dag is t n populair ontmeutigenspeunt veur toerisetn en waandelöar. t Gebeed is ömreengd deur prehistoriese antikwieteaiten, met önner oare Bronstiedneaderzettign, steanenriejen en nen grötten menhir - the Beardown Man - den ten neurdwesten van Two Bridges leg. n Devonport Leat - n haand-groawen kanoal - geet der kats laanks.