Tilgt

Uut Wikipedie, de vrye encyklopedy
Naar navigatie springen Naar zoeken springen
De ligging van Tilgt in de gemeante Deenkellaand

Tilgt (Nederlaands: Tilligte) is n doarp in de Tweantse gemeante Deenkellaand in de Nederlaandse proveensie Oaveriessel. Ut lig ten oostn van Oatmörsken, langs de weg noar Deankaamp. Töt de gemeentelike herindeling van 1 januari 2001 heurn t doarp biej de gemeante Deankaamp. Op n eerstn januari 2009 har t doarp 751 inwonners. Met n karnaval het Tilgt t Waterpönskesdoarp, de karnavalsvereniging het dan ok C.V. De Waterpönskes. Waterpönskes sleet op dat t vrogger wal mangs veurkwam dat t boetngebeed van t doarp oonder water kwam te stoan as n Deenkel oawerstroomdn. De leu stundn dan "tot an t pönske in t water".

t Doarp wördn in de Middeleeuwn al neumd, as Tylghede, woarmet dootieds n deel van nen akker wördn an e duudt (Tilgt lig ok op nen es), en lig op um en noabiej de 20 meter boaven NAP. Wieders steet in Tilgt de Westerveld Mölle (vrogger ok: Brunninkhoes Mölle), ne achtkaante belt-koornmölle oet 1864, dee saamn met eankelde aandere möln in de gemeante Deenkellaand onderhoaldn wördn duur de Molenstichting Lattrop-Tilligte. De roomse kearke is van de hand van A.J. Kropholler oet ong. 1920.

t Noordelike deel van Tilgt wördt ok wal n Vodnhook neumd, t zudelike deel n Brookhook. n Vodnhook hef de veurige eeuw nen aandern naam ekregn: n Volnhook.