Thoth
Thoth was de Egyptische god van de maone, magie, kelender, schriefkunst en wiesheid. Hij had immers de schriefkunst uut-evunnen en hef die kennis dan over-egeven an de mensheid. Ok treedt hij op in de onderwereld bie 't wegen van 't harte: hij noteert 't oordeel van Maät en brengt de persoon die uut de tied ekommen is bie Osiris.
Hij wordt vake of-ebeeld as een baviaanfiguur. Zien heilige dier is de Ibis, en zien attributen de schrieftaofel en griffel. De betekenisse van de vogel Ibis is dudelijk: rond de aoverstroming van de Niel keren disse vogels terugge naor Egypte en zo bint ze een betrouwbaore kelender. Ok wönnen der schriefpennen emaakt van heur.
Zien belangriekste cultuscentrum lig in Hermopolis Magna, 't vroggere Chmoen, waor der nog twee massieve beelden van disse god beweerd eblèven bint. De stad dankt heur naam immers an de god, want in laotere tieden wörden Thoth eïdentificeerd mit Hermes.
In de stried tussen Seth en Horus, perberen Isis 't lèven van heur bruur te redden. Horus wörden daor zo hellig um, dat e de kop van Isis der ofhakken. Thoth hef Isis toe magisch eheeld deur heur een koenkop te gèven.
De Griekse naam veur disse God is Hermes Trismegistus.