Maanderven

Maanderven is n doarp in de gemeente Tubbige in et noorden van Tweante. Der wont ongevear 625 inwonners. Et is noabers met de döarp Langeven, Geester, Tubbig, Maander en Getel oawer 'n poal in Duutslaand. Middeln in et doarp he'j et Koornplein, met doarbiej ok et Kulturhus, sportvealden en iesbaan, de oale laandbouwersbaank en Partycentrum Peddemors. Ook leagere school de Zeven Mijlen ligt der biej.

Sport

Vootbal

Vootballen doot ze in Maanderven biej VV Manderveen op Sportpark de Samenwerking. Disse club hef veer seniorenmanskappen. De jongern doot tehoop trainen met SV Vas, wat der nöast ligt. Ze spölt samen onder de naam VMC (Vas Maanderven Combinatie).

Klootsketen

Et dorp hef ok ne klootskeetverenige. KV Manderveen is start in 1979. Ze doot alle joaren de Roonde van Maanderven oetzetten.

Mountainbiken

De Springendalroute veur mountainbikers löp in et oosten deur maanderven hen. Den pad is 42,8 kilometer laank en kump deur Maanderven, Maander, Vas, Hezingen, Nutter en Oatmörske. Et heurt bie Mountainbikenetweark Tweante en steet angevven met brödkes.

Kultuur

Karnaval doot ze ook an in Maanderven. C.V. de Venfluiters is sticht in 2001 en hef zowat 145 leden. Alle joaren loopt ze met ne grote praalwaag en ne loopgroep van umdebiej 250 man met in optochten in 'n umtrek, zo as de Twentse Verlichte Carnavalsoptocht van Tubbig. Ok hebt ze alle joaren op 'n vriedag veur et karnaval an ne keenderoptocht en twee gala-oamde. Dan nog der biej hebt ze ne zeepkistenrace teggen et ende van de bouwvak.

Alle veer joar hebt ze de Bazaar, de plaatselike zommerfeesten. Zes wieken doot dan teggen mekaar op van wee as et beste is. Heugtepunt is de wijkplaybackshow.